ទម្លាប់​ទាំង ៥ យ៉ាង បើធ្វើបានអ្នកនឹងជោគជ័យក្នុងឆាកជីវិត

គ្មានផ្លូវកាត់ទៅរកជោគជ័យទេ តែមានវិធីអនុវត្តល្អបំផុតដើម្បីជោគជ័យ។ អ្នកមិនអាចក្រោកពីដំណេកភ្លាម ស្រាប់តែក្លាយជាអ្នកមានមួយរំពេចបានទេ។ បើអ្នកមានបំណងចង់សម្រេចបានជោគជ័យក្នុងកិច្ចការអ្វីមួយដែលមានខ្លឹមសារចំពោះអ្នក អ្នកនឹងត្រូវតែបង្កើតទម្លាប់ទាំង៥នេះ៖     ១/ កែប្រែផ្នត់គំនិតរបស់អ្នក អ្នកត្រូវយល់ថា ដើម្បីសម្រេចបានជោគជ័យ អ្នកត្រូវតែមានគំនិតវិជ្ជមានចំពោះជីវិត។ គ្រប់ពេលទាំងអស់ជាឱកាសសម្រាប់អ្នករៀននិងប្រែក្លាយជាមនុស្សកាន់តែប្រសើរឡើង។ បើទោះជាអ្នកបរាជ័យ ក៏អ្នកត្រូវតែក្រោកឈរ និងព្យាយាមធ្វើម្តងទៀតរហូតដល់សម្រេចបំណងដែរ។ កំហុសនឹងបណ្តោយឱ្យគំនិតអវិជ្ជមានជ្រាបចូលក្នុងចិត្តអ្នក ដែលនឹងធ្វើឱ្យអ្នកសង្ស័យចំពោះខ្លួនឯង ហើយទីបំផុតអ្នកនឹងជាប់គាំងមិនអាចទៅមុខរួច។ ដើម្បីបណ្តុះផ្នត់គំនិតវិជ្ជមាននិងរីកចម្រើន អ្នកត្រូវព្យាយាមស្ថិតនៅក្នុងចំណោមមនុស្សដែលចាំគាំទ្រ និងលើកទឹកចិត្តអ្នក។ ទំនាក់ទំនងជួយគ្នាទៅវិញទៅមកបែបនេះ បើរក្សាបានយូរបន្តិច វានឹងក្លាយជាចំណងផ្សារភ្ជាប់មនុស្សដែលមានចិត្តដូចគ្នា។ ២/ កំណត់គោលដៅជីវិតរបស់អ្នក គិតដល់គោលដៅជីវិតរបស់អ្នកថាជាមាគ៌ាមួយដែលអ្នកត្រូវដើរ។ តើអ្នកមានឆន្ទៈចង់បានអ្វីឱ្យពិតប្រាកដពីជីវិតនេះ? ហេតុអ្វីបានជាអ្នកមកដល់កន្លែងនេះ? តើអ្នកអាចជួយធ្វើឱ្យពិភពលោកនេះប្រសើរឡើងដោយរបៀបណា? ការស្វែងរកមូលហេតុដើម្បីរស់នៅនឹងបង្ហាញតម្រុយដល់របៀបដែលអ្នកអាចប្រើប្រាស់ជំនាញរបស់អ្នកបាន។ អ្នកត្រូវតែផ្តោតលើគោលដៅណាដែលផ្តល់ទិសដៅដល់ជីវិតរបស់អ្នក និងអនុញ្ញាតឱ្យអ្នកពេញចិត្តក្នុងដំណើរជីវិតរបស់អ្នក។ ត្រូវចងចាំថាជីវិតនេះជាការប្រមូលផ្តុំនៃព្រឹត្តិការណ៍និងអនុស្សារដែលជួយបណ្តុះអត្តចរិតរបស់អ្នក។ ៣/ ទម្លាក់ការរំខានចោលទាំងអស់ ដោយសារពេលនេះអ្នកបានកំណត់គោលដៅជីវិតច្បាស់លាស់ហើយ អ្នកត្រូវតែដកជម្រះឧបសគ្គទាំងអស់ចេញពីផ្លូវរបស់អ្នក។ អ្នកត្រូវកែច្នៃជីវិតមួយដែលគាំទ្រដល់គោលដៅរបស់អ្នក និងប្តេជ្ញាចិត្តអនុវត្តទម្លាប់ដែលជួយឱ្យអ្នកទៅដល់គោលដៅ។ ក្នុងការសិក្សាមួយរបស់សកលវិទ្យាល័យHarvard បង្ហាញថាការកាត់បន្ថយជម្រើសច្រើនចេញពីជីវិតរបស់អ្នក និងការសម្រេចចិត្តកាន់តែតិចជួយអ្នកឱ្យបង្កើតវិន័យល្អដែលចាំបាច់សម្រាប់បង្កើតទម្លាប់ដែលអ្នកចង់បាន។ ៤/ ធ្វើអ្វីៗឱ្យមានភាពសាមញ្ញបំផុត ការប្តេជ្ញារបស់អ្នកក្នុងការបង្កើតទម្លាប់ល្អៗគឺជាគន្លឹះចាំបាច់ដើម្បីដំណើរជោគជ័យរបស់អ្នក។ អ្នកត្រូវតែប្រុងប្រៀបជាមុន និងស្រមើស្រមៃថាខ្លួនឯងកំពុងតែបង្កើតទម្លាប់ទាំងនោះមុនពេលអ្នកចាប់ផ្តើមធ្វើជាក់ស្តែង។ មានសៀវភៅលើកទឹកចិត្ត និងសៀវភៅអភិវឌ្ឍខ្លួនល្អៗជាច្រើនចាំជួយអ្នក ដរាបណាអ្នកតាំងចិត្តព្យាយាមអានដើម្បីស្វែងរកចម្លើយនិងវិធីសាស្រ្តដែលអ្នកចង់បាន។ ៥/ ផ្តល់រង្វាន់ដល់ខ្លួនឯង […]

Continue Reading

វិធីសាស្រ្តក្នុងការនិយាយ ដែលអាចធ្វើអោយនៅជុំវិញខ្លួនជឿជាក់មកលើអ្នក

ពាក្យសម្តីដែលយើងនិយាយមានឥទ្ធិពលបង្កើតលទ្ធភាពថ្មីៗ ឬបិទឱកាសដែលមកដល់ចំពោះមុខ ជួយបង្កើតទំនាក់ទំនង ឬកាត់ផ្តាច់ទំនាក់ទំនង ជួយរុញច្រានមនុស្ស ឬទាញទម្លាក់ចុះ។   ជាទូទៅយើងមិនដឹងថាពាក្យសម្តីរបស់យើងមានឥទ្ធិពលខ្លាំងប៉ុនណាទេ ទាំងសម្រាប់ខ្លួនយើងនិងសម្រាប់អ្នកដទៃ។ អ្នកជំនាញខាងចិត្តវិទ្យារកឃើញថាពាក្យពេចន៍ដែលយើងនិយាយចេញពីមាត់បង្កើតបានជាការពិតដែលយើងកំពុងតែរស់នៅ។ គួរឱ្យស្តាយដែលភាគច្រើននៃការពិតទាំងនោះពោពេញដោយភាពអវិជ្ជមានទាញទម្លាក់ឱកាសជោគជ័យនិងស៊ីរូងទំនុកទំនុកចិត្តរបស់យើង។   ផ្ទុយទៅវិញ បើយើងប្រើភាសាវិជ្ជមានចំពោះខ្លួនយើង និងសមត្ថភាពរបស់យើងក្នុងការរៀនជំនាញថ្មីៗសម្រេចបានគោលដៅផ្សេងៗ និងដោះស្រាយសម្ពាធប្រចាំថ្ងៃ អ្វីៗទាំងអស់នៅនឹងក្លាយជាការពិតរបស់យើង។ ហេតុដូច្នេះហើយ ជារឿងសំខាន់បំផុតដែលយើងត្រូវគិតគូរឱ្យបានដិតដល់ចំពោះពាក្យសម្តីដែលយើងនិយាយ។ ខាងក្រោមនេះជាវិធីមួយចំនួនដែលអាចផ្លាស់ប្តូររបៀបដែលអ្នកនិយាយដើម្បីបង្កើតទំនុកចិត្ត ពង្រីកឥទ្ធិពល និងអភិវឌ្ឍសមត្ថភាពសម្រេចបានគោលដៅដែលអ្នកចង់បាន​៖     ១/ និយាយតែពីលទ្ធភាពដែលអាចធ្វើបាន លោកOrville និងលោក Wilbur Wright មិនអាចពិសោធន៍យន្តហោះបានជោគជ័យទេបើគេនិយាយតែពីរឿងដែលគេមិនអាចធ្វើបាន។ ដូច្នេះនេះដែរ បើអ្នកនិយាយតែពីរឿងដែលអ្នកចង់បាន អ្នកនឹងរកឃើញឱកាសដែលអ្នកអាចនឹងមើលរំលងប្រសិនបើមិនយកចិត្តទុកដាក់។ បើផ្តោតតែលើស្ថានភាពអវិជ្ជមានក្នុងជីវិតដូចជាអ្វីៗដែលអ្នកមិនអាចធ្វើបាន ឬមិនចង់ធ្វើ អ្នកនឹងពង្រីកទុទិដ្ឋិនិយមកាន់តែធំក្នុងជីវិត។ ផ្ទុយទៅវិញ បើអ្នកចង់បានពេលវេលាច្រើន អ្នកត្រូវនិយាយអំពីកិច្ចការសំខាន់ៗដែលអ្នកត្រូវធ្វើប្រចាំថ្ងៃ ប្រខែ និប្រចាំឆ្នាំ។ បើអ្នកចង់បានជោគជ័យច្រើន អ្នកត្រូវនិយាយអំពីមហិច្ឆតារបស់អ្នក និងអ្វីៗដែលអ្នកអាចធ្វើបាន។ ហើយបើអ្នកចង់បានអំណាចនិងឥទ្ធិពល អ្នកត្រូវនិយាយអំពីអ្វីដែលអ្នកនឹងធ្វើតាមរយៈការប្រើប្រាស់ឥទ្ធិពលដែលអ្នកកំពុងតែមានស្រាប់។   ២/ កុំនិយាយពាក្យថាមិនអាច ឬមិនដែល មុនពេលលោក Roger Bannister រត់បានចម្ងាយមួយគីឡូម៉ែត្រកន្លះក្នុងរយៈពេលមិនដល់៤នាទី […]

Continue Reading

របៀបដែលមនុស្សឆ្លាតគួរធ្វើ ក្នុងការដោយស្រាយបញ្ហាជាមួយមនុស្សពិបាក

ការសិក្សាបានបង្ហាញថាភាពតានតឹងខាងអារម្មណ៍មានឥទ្ធិពលអវិជ្ជមានលើខួរក្បាលដែលជាកន្លែងទទួលខុសត្រូវសម្រាប់ការវិភាគហេតុផលនិងការចងចាំ។ នៅពេលដែលភាពតានតឹងឡើងដល់កម្រិតមួយដែលគ្រប់គ្រងលែងបាន ខួរក្បាលនិងសមត្ថភាពបំពេញការងាររបស់អ្នកក៏កាន់តែចុះខ្សោយ។ មានមូលហេតុច្រើនដែលបណ្តាលឱ្យមនុស្សកើតអារម្មណ៍តានតឹង ហើយការធ្វើការជាមួយមនុស្សមិនសូវចេះពិចារណាហេតុផលក៏ជាប្រភពសំខាន់មួយមួយដែរនៃអារម្មណ៍តានតឹង។ តើមនុស្សឆ្លាតធ្វើការយ៉ាងណាជាមួយមនុស្សដែលចូលចិត្តបង្កភាពតានតឹងឱ្យគេ?     ១/ គេកំណត់ព្រំដែន អ្នកដែលចូលចិត្តរអ៊ូរទាំនិងមនុស្សគិតតែអវិជ្ជមានជាដំណឹងអាក្រក់ព្រោះគេលិចលង់ក្នុងបញ្ហារបស់គេនិងមើលឃើញដំណោះស្រាយអ្វីឡើយ។ មនុស្សយើងមានអារម្មណ៍រងសម្ពាធនៅពេលស្តាប់ការរអ៊ូរទាំរបស់អ្នកដទៃ ហើយជាលទ្ធផល អ្នកស្តាប់ក៏នឹងកើតអារម្មណ៍តានតឹងប្រសិនបើគេមិនចេះវិធីការពារខ្លួន។ អ្នកអាចការពារខ្លួនបានតាមរយៈការកំណត់ព្រំដែន ឬគម្លាត។ សូមគិតរបៀបនេះ​៖ ប្រសិនបើអ្នករអ៊ូរទាំនោះជក់បារី តើអ្នកព្រមអង្គុយស្រូបផ្សែងបារីពីគេរហូតទេ? វិធីល្អបំផុតដើម្បីកំណត់ព្រំដែនគឺត្រូវសួរអ្នករអ៊ូរទាំនោះអំពីរបៀបដែលគេដោះស្រាយបញ្ហា។   ២/ គេធ្វើខ្លួនឱ្យខ្ពស់ផុត មនុស្សពូកែរអ៊ូអាចធ្វើឱ្យអ្នកជិតខាងឡប់សតិព្រោះឥរិយាបថរបស់គេគ្មានហេតុផលទេ។ ដូច្នេះហេតុអ្វីបានជាអ្នកបណ្តោយឱ្យអារម្មណ៍ឆ្លើយតបទៅនឹងរឿងគ្មានហេតុផលបែបនោះ? ឈប់ចង់យកឈ្នះមនុស្សរបៀបនេះក្នុងល្បែងរបស់គេ ព្រោះអ្នកមិនអាចឈ្នះបានឡើយ។ ហើយអ្នកមិនឆ្លើយតបទៅនឹងអារម្មណ៍ជ្រួលច្រាលគ្មានហេតុផលនោះទេ ឆ្លើយតបត្រឹមតែការពិតប៉ុណ្ណោះ។   ៣/ គេស្គាល់អារម្មណ៍ខ្លួនឯងច្បាស់ ដើម្បីរក្សាគម្លាតអារម្មណ៍ពីមនុស្សគ្មានហេតុផលគេត្រូវមានការដឹងខ្លួនគ្រប់ពេល។ អ្នកមិនអាចបញ្ឈប់នរណាម្នាក់ពីការចុចបើកអារម្មណ៍វិជ្ជមាន ឬអវិជ្ជមានបានទេប្រសិនបើអ្នកមិនស្គាល់អារម្មណ៍ទាំងនោះនៅពេលវាកំពុងតែកើតឡើង។ សូមគិតរបៀបនេះ ប្រសិនបើមានមនុស្សមិនគ្រប់សតិមកក្បែរអ្នកហើយប្រាប់ថាគេជាមនុស្សអស្ចារ្យ អ្នកមិនអាចកែប្រែគេបានភ្លាមទេ។ អ្វីដែលអ្នកត្រូវធ្វើគឺរក្សាគម្លាតពីគេ ហើយបណ្តោយឱ្យគេទៅតាមដំណើររបស់គេចុះ។   ៤/ គេមិនផ្តោតលើបញ្ហាទេ គេផ្តោតតែលើដំណោះស្រាយ ចំណុចដែលអ្នកផ្តោតអារម្មណ៍គឺជាកត្តាសម្រេចស្ថានភាពនៃអារម្មណ៍របស់អ្នក។ នៅពេលអ្នកផ្តោតអារម្មណ៍លើបញ្ហាដែលកំពុងតែប្រឈម អ្នកបង្កើតនិងពង្រីកអារម្មណ៍អវិជ្ជមាននិងភាពតានតឹងផ្លូវចិត្ត។ នៅពេលអ្នកផ្តោតលើសកម្មភាពដើម្បីធ្វើឱ្យខ្លួនឯងនិងស្ថានភាពប្រសើរឡើង អ្នកបង្កើតឥទ្ធិពលដែលទាក់ទាញអារម្មណ៍វិជ្ជមាននិងកាត់បន្ថយភាពតានតឹងផ្លូវចិត្ត។   ៥/ គេមិនងាយភ្លេច មនុស្សដែលមានភាពវៃឆ្លាតក្នុងការគ្រប់គ្រងអារម្មណ៍ងាយនឹងអត់អោនឱ្យអ្នកដទៃណាស់ ប៉ុន្តែមិនមែនមានន័យថាគេជាមនុស្សឆាប់ភ្លេចនោះទេ។ ការអត់អោនតម្រូវឱ្យមាន​ការលែងប្រកាន់ខ្ជាប់ចំពោះអ្វីៗដែលបានកើតឡើងដើម្បីបន្តដំណើរទៅមុខទៀត។ […]

Continue Reading

ទម្លាប់​ទាំង ៥ យ៉ាង​ដែលអាចធ្វើ​ឱ្យ​អ្នក​មិន​អាច​ក្លាយជា​មនុស្ស​មានគំនិតច្នៃប្រឌិតនៅក្នុងខ្លួន

បោះបង់ទម្លាប់ទាំង៥នេះចោលប្រសិនបើអ្នកចង់ក្លាយជាមនុស្សចេះគិតច្នៃប្រឌិតខ្ពស់៖     ១/ គិតច្រើនជ្រុល តើការគិតច្រើនជ្រុលដែលផ្តល់ផលល្អម្តងណាទេ? វាបានត្រឹមតែធ្វើឱ្យអ្នកមានអារម្មណ៍អន្ទះសា មិនសប្បាយចិត្ត ហើយប្រហែលរុញច្រានឱ្យអ្នកសំងំលាក់ខ្លួនទៀតផង។ ដូច្នេះប្រសិនបើអ្នកយល់ថាខ្លួនឯងគិតច្រើនជ្រុល ដូចជាគិតថាតើអ្នកនឹងជោគជ័យឬអត់ ឬគិតថាតើអ្វីដែលអ្នកកំពុងតែធ្វើនេះល្អឬមិនល្អ អ្នកត្រូវឃាត់ខ្លួនឯង ហើយត្រឡប់មករស់នៅក្នុងបច្ចុប្បន្នកាលនេះវិញ។   ២/ មិនចង់ប្រឈមនឹងបរាជ័យ អ្នកជំនាញមួយរូបបកស្រាយស្ថានភាពនៃអារម្មណ៍មិនចង់ប្រឈមនឹងបរាជ័យថា មនុស្សខ្លះមានសមត្ថភាពនិងសេរីភាពសម្តែងចេញអ្វីដែលគេគិត។ ប្រសិនបើអ្នកមិនធ្លាប់ប្រឈមនឹងលទ្ធភាពបរាជ័យ អ្នកនឹងមិនដឹងច្បាស់ថាតើអ្នកមានភាពច្នៃប្រឌិតកម្រិតណាទេ។   ៣/ បង្កើតលេសធ្វើជាហេតុផល តើមានពេលប៉ុន្មានដងហើយដែលអ្នកបានបង្កើតស្នាដៃដូចជាការសរសេរកំណាព្យ គូររូប ឬស្នាដៃអ្វីមួយ ហើយគ្រាន់តែគិតថានឹងបង្ហាញឱ្យនរណាម្នាក់ឃើញ តែមិនដែលបានបង្ហាញ? មានហេតុផលច្រើនណាស់ដែលអ្នកមិនហ៊ានបង្ហាញស្នាដៃរបស់អ្នកឱ្យមនុស្សផ្សេងទៀតបានឃើញ។ ប្រសិនបើអ្នករង់ចាំឱ្យមនុស្សគ្រប់គ្នាក្នុងលោកនេះគិតថាអ្នកធ្វើបានល្អកម្រិតណា អ្នកនឹងរង់ចាំរហូត។   ៤/ រង់ចាំឱ្យនរណាម្នាក់មកជ្រើសរើស ការរង់ចាំឱ្យនរណាម្នាក់មកជ្រើសរើសអ្នកគឺជារឿងដែលកន្លងផុតទៅហើយ មិនមែនរង់ចាំនៅពេលនេះទេ។ អ្នកអាចចាប់ផ្តើមអាជីពច្នៃប្រឌិតរបស់អ្នកនៅពេលនេះតែម្តង។ មានមធ្យោបាយជាច្រើនដែលអ្នកអាចបង្កើតភាពច្នៃប្រឌិតហើយសាកល្បងឱ្យមនុស្សទូទៅវាយតម្លៃបានដោយមិនចំណាយអ្វីច្រើន។ អ្នកមិនចាំបាច់រង់ចាំឱ្យផលិតករកម្មវិធីទូរទស្សន៍មកជ្រើសរើសអ្នកទេ គឺអ្នកអាចប្រើប្រាស់YouTube ឬបណ្តាញសង្គមបានយ៉ាងងាយ។ តើអ្នកមានអ្វីជាលេសទៀតពេលនេះ?   ៥/ អ្នកធ្វើខ្លួនដូចមនុស្សពេញវ័យជាជាងកូនក្មេង ជាទូទៅ មនុស្សពេញវ័យតែងតែរងសម្ពាធពីសង្គម តែកូនក្មេងមិនដែលគិតថាខ្លួនគេមានសម្ពាធអ្វីទេ។ ស្ថាបនិកក្រុមហ៊ុន Ella’s Kitchen បកស្រាយថាខួរក្បាលផ្នែកខាងមុខរបស់មនុស្សយើងអភិវឌ្ឍនៅចន្លោះពីអាយុជាង១០ឆ្នាំទៅ២០ឆ្នាំ។ អារម្មណ៍ខ្មាសអៀន និងអារម្មណ៍ស្រដៀងគ្នានេះកើតឡើងនៅក្នុងចន្លោះវ័យនេះ […]

Continue Reading

ការពិតទាំង ៦ យ៉ាងដែលអាចធ្វើអោយអ្នកមានក្ដីសុខក្នុងជីវិត បើសិនជាអ្នកយល់ច្បាស់ពីវា

សុភមង្គលកើតចេញពីគ្រប់ទិដ្ឋភាពនៃជីវិត តាំងពីការងាររហូតដល់សុខភាពនិងមិត្តភាព។ ទោះបីជាមនុស្សគ្រប់គ្នាចង់បានសុភមង្គលក្នុងជីវិត ក៏ពីកន្លែងមួយទៅកន្លែងមួយការឱ្យនិយមន័យលើពាក្យមួយម៉ាត់នេះមានលក្ខណៈមិនដូចគ្នាទេ។ របាយការណ៍ស្តីពីសុភមង្គលជុំវិញពិភពលោកដែលរៀបចំឡើងដោយអង្គការសហប្រជាជាតិបានចាត់ចំណាត់ថ្នាក់ប្រទេសចំនួន១៥៥ និងប្រើប្រាស់គន្លឹះ៦គឺប្រាក់ចំណូល ការរំពឹងអំពីជីវិតដែលមានសុខភាព ការគាំទ្រពីសង្គម ចិត្តល្អក្នុងការចែករំលែក សេរីភាព និងការទុកចិត្ត។ ឆ្នាំនេះប្រទេសនៅតំបន់អឺរ៉ុបបានស្ថិតនៅក្នុងលំដាប់លើគេ ក្នុងនោះមានប្រទេសណ័រវេស ដាណឺម៉ាក និងស្វីសជាដើម។     ការរកឃើញខាងក្រោមនេះជាមូលហេតុនៅពីក្រោយការប្រែប្រួលនៃកម្រិតសុភមង្គលក្នុងតំបន់ខុសៗគ្នា​៖ ១/ មានការងារធ្វើដោយខ្លួនឯង ធ្វើការដោយខ្លួនឯងមានទាំងចំណុចវិជ្ជមាននិងអវិជ្ជមាន។ នៅក្នុងប្រទេសរីកចម្រើនខ្ពស់ មនុស្សដែលមានការងារធ្វើដោយខ្លួនឯងមានការពេញចិត្តនឹងជីវិតជាងមនុស្សដែលធ្វើការឱ្យគេ។ ប៉ុន្តែគេក៏ប្រឈមច្រើនទៅនឹងបទពិសោធន៍នៃអារម្មណ៍អវិជ្ជមានដូចជាភាពធុញថប់ និងក្តីបារម្ភដែរ។   ២/ មនុស្សសប្បាយចិត្តច្រើននៅពេលធ្វើការ ជនជាតិអាមេរិកភាគច្រើនមានអារម្មណ៍សប្បាយចិត្តខ្លាំងនៅពេលចុងសប្តាហ៍ ប៉ុន្តែសុភមង្គលនៅចុងសប្តាហ៍នេះក៏រលាយបាត់ទៅវិញនៅពេលមនុស្សធ្វើការក្នុងបរិស្ថានការងារដែលមានទំនុកចិត្តខ្ពស់ គឺកន្លែងដែលគេគិតថាប្រធានរបស់គេមិនមែនជាមនុស្សនៅថ្នាក់លើតែជាដៃគូការងារ ហើយការងាររបស់គេមានចំណែកចូលរួមក្នុងកិច្ចការសង្គម។   ៣/ សុខភាពផ្លូវចិត្តជាអាទិភាពចម្បងបំផុត ក្រុមអ្នកជំនាញបានស្រាវជ្រាវក្នុងសហរដ្ឋអាមេរិក អូស្រ្តាលី អង់គ្លេស និងឥណ្ឌូនេស៊ី ដើម្បីរកមើលគន្លឹះនៃជីវិតគ្មានសុភមង្គលនិងទុក្ខវេទនាក្នុងជីវិត។ ជាលទ្ធផលគេរកឃើញថា ការទទួលបានការវិភាគជំងឺផ្លូវចិត្តចូលរូមវិភាគទានច្រើនទៅក្នុងសុភមង្គលរបស់មនុស្សជាជាងប្រាក់ចំណូលទៅទៀត។ ក្នុងពេលដែលមានកិច្ចប្រឹងប្រែងដើម្បីលុបបំបាត់ភាពក្រីក្រ និងកាត់បន្ថយភាពគ្មានការងារធ្វើជារឿងចាំបាច់ គេក៏រកឃើញថាមធ្យោបាយដ៏មានឥទ្ធិពលបំផុតដើម្បីកាត់បន្ថយទុក្ខវេទនាក្នុងពិភពលោកនេះគឺការលុបបំបាត់សម្ពាត់ក្នុងអារម្មណ៍ និងធ្វើយ៉ាងណាឱ្យមានសុខភាពផ្លូវចិត្ត។   ៤/ គ្រួសារ កុមារភាព និងការរៀនសូត្រនៅសាលាមានឥទ្ធិពលលើសុភមង្គលក្នុងជីវិត សម្រាប់មនុស្សពេញវ័យ កម្រិតសុភមង្គលរបស់គេរងឥទ្ធិពលច្រើនពីស្ថានភាពសេដ្ឋកិច្ច ឋានៈសង្គម និងសុខភាពក្នុងពេលបច្ចុប្បន្ននេះ។ […]

Continue Reading

ជីវិតរស់នៅដូចជាការលេងល្បែង ដើម្បីឈ្នះល្បែងជីវិត អ្នកត្រូវចេះក្បួនទាំង ៥ យ៉ាងនេះ

ទោះជាអ្នកដឹងក្បួន ឬមិនដឹងក៏ដោយ ក៏អ្នកកំពុងតែចូលរួមលែងល្បែងជីវិតនេះស្រាប់ទៅហើយ។ ដូច្នេះយើងនាំគ្នាស្គាល់ក្បួនទាំង៥ដើម្បីចូលរួមលែងល្បែងជីវិតទាំងអស់គ្នាដើម្បីមានឱកាសបានក្លាយជាអ្នកឈ្នះខ្លះ។   ១/ មានទស្សនវិស័យសម្រាប់ជីវិតអ្នក បង្កើតទស្សនវិស័យដើម្បីប្រែក្លាយជាបុគ្គលដែលអ្នកចង់បានតាមរយៈការចោទសួរខ្លួនឯងនូវសំណួរទាំងនេះ តើបុគ្គលដែលអ្នកចង់ប្រែក្លាយនោះមានលក្ខណៈសម្បត្តិដូចម្តេចខ្លះ? តើអ្នកមានសុបិន្តដូចម្តេចខ្លះ? តើអ្នកអ្វីជាគោលដៅរបស់អ្នក? តើអ្វីជាក្តីប្រាថ្នារបស់អ្នក? តើអ្វីដែលអ្នកគិតថាមានតម្លៃនៅចុងបញ្ចប់នៃជីវិតអ្នក? នេះហៅថាទស្សនវិស័យ គឺអ្នកត្រូវអង្គុយគិតដល់អ្វីដែលអ្នកចង់បានពីជីវិតនេះ អ្វីដែលអ្នកចង់ចូលរួមវិភាគទានទៅក្នុងជីវិតនេះ និងអ្វីដែលអ្នកចង់ឆ្លងកាត់ក្នុងជីវិតនេះ។   ២/ ជឿជាក់លើសមត្ថភាពរបស់អ្នកដើម្បីសម្រេចនូវអ្វីដែលអ្នកចង់បាន មនុស្សមិនមានជំនឿចិត្តលើខ្លួនឯងឡើយ។ ការមានជំនឿចិត្តលើខ្លួនឯងក៏គួរតែជាបេសកកម្មមួយដែរក្នុងជីវិត គឺជឿជាក់លើខ្លួនឯងទាំងស្រុង និងជឿជាក់ថាអ្នកមានសមត្ថភាពអាចធ្វើកិច្ចការដែលអ្នកចង់ធ្វើបាន។ ជំនឿចិត្តបែបនេះអនុញ្ញាតឱ្យអ្នកអាចឈានជើងចូលទៅក្នុងដែនដែលអ្នកមិនស្គាល់ និងភាពមិនច្បាស់លាស់ក្នុងជីវិត។ នេះជាជំនឿដែលមនុស្សយើងគ្រប់គ្នាគួរតែមានលើខ្លួនឯង គឺសមត្ថភាពដើម្បីដឹងថាបើមានពេល ថាមពល ការផ្តោតចិត្ត និងធនធានគ្រប់គ្រាន់ យើងអាចអភិវឌ្ឍចំណេះដឹង ជំនាញ និងសមត្ថភាពដើម្បីធ្វើអ្វីៗគ្រប់យ៉ាង។   ៣/ ត្រូវរីករាយក្នុងជីវិត រួចតាមសម្រេចសុបិនឱ្យបាន នៅពេលអ្នកមានទស្សនវិស័យ សុបិន និងក្តីប្រាថ្នាអស់ហើយ អ្នកនឹងរីករាយក្នុងដំណើរជីវិត បើទោះជាពេលខ្លួនជួបឧបសគ្គយ៉ាងណាក៏ដោយ។ មនុស្សជោគជ័យកម្រិតណាក៏នៅតែជួបស្ថានភាពតានតឹងក្នុងជីវិតម្តងម្កាលដែរ។ អ្វីដែលត្រូវចងចាំពេលជួបបញ្ហាគឺត្រូវនិយាយប្រាប់ខ្លួនឯងថា ខ្ញុំនឹងបង្កើតភាពរីករាយក្នុងស្ថានភាពដែលអាចកែប្រែបាន។ ខ្ញុំនឹងមិនរង់ចាំឱ្យមានអ្វីមួយកែប្រែដោយខ្លួនឯងទេ។ មិនមែនភព្វសំណាងអ្វីទេ តែជាវិន័យក្នុងការមានភាពរីករាយដែលអ្នកនាំយកទៅបញ្ចូលនៅគ្រប់ស្ថានភាពជីវិតទើបធ្វើឱ្យអ្នកអាចដើរដល់គោលដៅ។   ៤/ អត់ធ្មត់តែត្រូវតស៊ូកុំឈប់ ជីវិតនេះប្រហែលជាមិនអាចដើរបានលឿនដូចចិត្តអ្នកចង់បានទេ។ មនុស្សជាច្រើនមិនអាចរីករាយក្នុងកិច្ចការដែលគេធ្វើដោយសារតែគេប្រញាប់ប្រញាល់ពេក។ ដើម្បីធ្វើជាអ្នករៀនសូត្រពេញមួយជីវិត […]

Continue Reading

ហេតុអ្វីបានជាមនុស្សឆ្លាតតែងតែ​ធ្វើការតិច ប៉ុន្តែទទួលបាន​ផលច្រើន ?

មនុស្សខ្លះមានសមត្ថភាពធ្វើការទទួលបានលទ្ធផលច្រើនមិនគួរឱ្យជឿ។ គេឱ្យតម្លៃខ្ពស់លើពេលវេលាសម្រាកនិងពេលចុងសប្តាហ៍ តែនៅតែជាធ្វើការបានលទ្ធផលច្រើនជាមនុស្សដែលព្យាយាមធ្វើការ១០ ឬ២០ម៉ោងច្រើនជាងគេក្នុងមួយសប្តាហ៍ទៅទៀត។ នេះជាអាថ៌កំបាំងដែលអ្នកអាចធ្វើការដូចមនុស្សឆ្លាតដែរ​៖     ១/ ផ្ទាច់ទំនាក់ទំនង ការផ្តាច់ទំនាក់ទំនងគឺជាយុទ្ធសាស្រ្តចុងសប្តាហ៍ដែលសំខាន់បំផុត ព្រោះប្រសិនបើអ្នកមិនអាចស្វែងរកផ្លូវមួយដើម្បីដោះខ្លួនចេញចរន្តការងារនៅពេលចុងសប្តាហ៍បានទេ អ្នកពិតជាមិនឈ្មោះថាបានសម្រាកពីការងារសោះទេ។ ការធ្វើខ្លួនឱ្យរវល់ជាប់២៤ម៉ោងក្នុងមួយថ្ងៃ ៧ថ្ងៃក្នុងមួយសប្តាហ៍គឺជាការប្រឈមនឹងភាពតានតឹងដែលធ្វើឱ្យអ្នកខ្សោះអស់កម្លាំងគ្មានពេលបញ្ចូលថាមពលថ្មី។   ២/ កាត់បន្ថយការងារផ្ទះ ការងារផ្ទះមានទម្លាប់ស៊ីពេលចុងសប្តាហ៍របស់អ្នកដោយមិនដឹងខ្លួន។ នៅពេលជួបបញ្ហានេះ អ្នកបាត់បង់ឱកាសសម្រាកនិងពិចារណា។ អ្វីដែលធ្ងន់ធ្ងរជាងនេះទៀតគឺការងារផ្ទះច្រើនក៏ធ្វើឱ្យអ្នកមានអារម្មណ៍ដូចជាប់កាតព្វកិច្ចនៅការិយាល័យដែរ ហើយបើអ្នកចំណាយពេលចុងសប្តាហ៍ធ្វើតែកិច្ចការផ្ទះ អ្នកនឹងមានអារម្មណ៍ថាដូចធ្វើការ៧ថ្ងៃក្នុងមួយសប្តាហ៍ដែរ។   ៣/ ពិចារណា ការពិចារណារាល់សប្តាហ៍ជាវិធីសាស្រ្តដ៏មានឥទ្ធិពលមួយដើម្បីអភិវឌ្ឍខ្លួន។ អ្នកអាចប្រើប្រាស់ពេលចុងសប្តាហ៍ដើម្បីពិចារណារឿងអនាគត ឬគោលដៅជីវិត ឬរឿងរ៉ាវដែលកំពុងតែកែប្រែឧស្សាហកម្មការងាររបស់អ្នក។ អ្នកអាចប្រើប្រាស់មធ្យោបាយនេះដើម្បីកែប្រែរបៀបធ្វើការនៅសប្តាហ៍បន្ទាប់ ដោយបង្កើនប្រសិទ្ធភាពការងាររបស់អ្នក។   ៤/ ធ្វើកិច្ចការតាមបំណង អ្នកប្រហែលជានឹងភ្ញាក់ផ្អើលនៅពេលអ្នកធ្វើកិច្ចការដែលអ្នកចង់ធ្វើនៅចុងសប្តាហ៍។ ការបណ្តោយខ្លួនឱ្យលង់ក្នុងកិច្ចការដែលអ្នកចង់ធ្វើគឺជាមធ្យោបាយអស្ចារ្យមួយដើម្បីគេចចេញពីអារម្មណ៍តានតឹង និងបើកចិត្តចិនចំពោះរបៀបគិតថ្មីៗ។ ការកម្សាន្តមួយចំនួនដូចជាលេងភ្លេង អានសៀវភៅ សរសេរសៀវភៅ និងគូររូបជាដើមសុទ្ធតែអាចជួយបន្ធូអារម្មណ៍អ្នកបាន ហើយផ្តល់ឥទ្ធិពលល្អដល់សប្តាហ៍បន្ទាប់។   ៥/ ចំណាយពេលជាមួយគ្រួសារ ការចំណាយពេលជាមួយគ្រួសារនៅចុងសប្តាហ៍ជារឿងចាំបាច់ប្រសិនបើអ្នកចង់សម្រាកពីការងារនិងបញ្ចូលថាមពលថ្មី។ ទម្ងន់ការងារមមាញឹកពេញមួយសប្តាហ៍អាចនឹងត្រូវធូរស្បើយតាមរយៈការចំណាយពេលវេលាបន្តិចបន្តួចជាមួយគ្រួសារអ្នកដូចជានាំកូនទៅលេងឧទ្យាន នាំប្តីឬប្រពន្ធទៅទទួលទានអាហារនៅកន្លែងដែលពេញចិត្ត ឬធ្វើម្ហូបដែលអ្នកចូលចិត្តបរិភោគជុំគ្នា ឬទៅលេងស្រុកកំណើត។   ប្រែសម្រួល​៖ វេហា ប្រភព​៖ […]

Continue Reading

មានតែ ៤ ចំណុចនេះទៅបានហើយ បើសិនជាអ្នកចង់ក្លាយជាអ្នកដឹកនាំដ៏ជោគជ័យមួយរូប

“ភាព​ជា​អ្នក​ដឹកនាំ” ​ត្រូវ​បាន​គេ​ដាក់​និយមន័យ​ផ្សេងៗ​គ្នា ​ទៅ​តាម​បុព្វបទ​ខុសៗ​គ្នា។ ​​អ្នក​ខ្លះ​សំដៅ​ទៅ​លើ​ប្រមុខ​រដ្ឋ ​​អ្នក​នយោបាយ ​ប្រធាន​ក្រុមហ៊ុន​ ។ល។ ​​អ្នក​ជំនាញ​​លើ​ភាព​ជា​អ្នក​ដឹកនាំ​លោក​ James McGregor Burns ​​បាន​ណែនាំ​​ផ្នត់គំនិត​​ស្តី​ពី​ភាព​ជា​អ្នក​ដឹកនាំ​សម័យ​ថ្មី​ក្នុង​សៀវភៅ​របស់​លោក​នា​​ឆ្នាំ ​១៩៧៨ ​​ចំណង​ជើង​ថា ​”ភាព​ជា​អ្នក​ដឹកនាំ” ​​ដោយ​ឲ្យ​អត្ថន័យ​ថា ​​ជា​ដំណើរការ​​ដែល​អ្នក​ដឹកនាំ​ និង​អ្នក​ដើរ​តាម​​​​​​​​​ក្រម​សីលធម៌​ និង​​​ការ​លើក​ទឹក​ចិត្ត​គ្នា​ទៅ​វិញ​ទៅ​មក​ឲ្យ​បាន​ប្រសើរ​​​ជាង​មុន។ ​​ភាព​ជា​អ្នក​ដឹកនាំ​ល្អ​​គួរ​មាន​ ៤ ​ចំណុច​ខាងក្រោម៖ ១៖ ​បង្កើត​ចក្ខុវិស័យ​ដ៏​​​មាន​ន័យ​​នៃ​អនាគត ក្នុង​វិស័យ​ជំនួញ​​ ​​ចក្ខុវិស័យ​គឺ​មាន​ភាព​​ពិត​ប្រាកដ​​​ ​អាច​ជឿ​ទុកចិត្ត​​ ​និង​អាច​កំណត់​កន្លែង​ដែល​អ្នក​ចង់​ទៅ​ដល់​នៅ​អនាគត។ ​​​ចក្ខុវិស័យ​ផ្តល់​ជា​ទិសដៅ ​​កំណត់​អាទិភាព ​​​​និង​ការ​វាស់​ស្ទង់ ​ដូច្នេះ​អ្នក​អាច​ដឹង​បាន​ថា ​​​អ្នក​បាន​សម្រេច​អ្វី​ដែល​អ្នក​ចង់​សម្រេច​ឬ​អត់។ ​ដើម្បី​បង្កើត​ចក្ខុវិស័យ​បាន​ ​អ្នក​ដឹកនាំ​ផ្តោត​សំខាន់​ទៅ​លើ​ភាព​ខ្លាំង​របស់​​ស្ថាប័ន​ខ្លួន​ដោយ​ប្រើប្រាស់​វិធី​នានា​ដើម្បី​វិភាគ​ទៅ​លើ​ស្ថានភាព​បច្ចុប្បន្ន។ ​​​អ្នក​ដឹកនាំ​​ត្រូវ​ប្រមើល​​ថា ​តើ​វិស័យ​ដែល​ខ្លួន​កំពុង​ដើរ​​នឹង​លេច​ចេញ​ជា​រូបរាង​បែប​ណា​នៅ​អនាគត​ ​​ហើយ​តើ​ដៃគូ​ប្រកួតប្រជែង​នឹង​ធ្វើ​អ្វី។ ​​​បន្ថែម​ពី​នេះ ​អ្នក​ដឹកនាំ​​ក៏​គិត​ដល់​ថា ​តើ​ពួកគេ​គួរ​ច្នៃ​បង្កើត​បែប​ណា​ទើប​អាច​ជោគជ័យ ​​​និង​អាច​សម្រួច​មុខ​ជំនួញ​ និង​យុទ្ធសាស្ត្រ​​​ឲ្យ​សមស្រប​នឹង​ទីផ្សារ​អនាគត។ ​​ពួកគេ​ច្រើន​ធ្វើតេស្ត​ចក្ខុវិស័យ​របស់​ខ្លួន​ឯង ​​តាម​រយៈ​​ការ​ស្រាវជ្រាវ​ទីផ្សារ​មួយ​ដ៏​សមស្រប ​និង​​វាយតម្លៃ​ហានិភ័យ​ចម្បង​ដោយ​ប្រើ​យុទ្ធសាស្ត្រ​ការ​វិភាគ​​ស៊ីណារីយ៉ូ​ជា​ដើម។​ ​ដូច្នេះ​ភាព​ជា​អ្នក​ដឹកនាំ​នៅ​ចំណុច​ដំបូង​នេះ​គឺ​ ​​ការ​រិះរក​ដំណោះស្រាយ ​​ការ​​ប្រមើល​មើល​មុនដោយ​​​​គិត​ថា ​អ្វី​ដែល​ខ្លួន​មាន​គឺ​​​មិន​ទាន់​ល្អ​គ្រប់គ្រាន់​នៅ​ឡើយ។ ​​តែ​ចក្ខុវិស័យ​ត្រូវ​បង្កើត​ឡើង​ដោយ​មាន​​តម្លៃ​ឲ្យ​អ្នក​ដើរ​តាម​យល់​ថា ​​​ត្រឹមត្រូវ ​និង​ពោរពេញ​ដោយ​ថាមពល​ចង់​អនុវត្ត​ដែរ។   ​​២៖ […]

Continue Reading

សិល្បៈនៃការនិយាយ ដើម្បីយកឈ្នះអ្នកដទៃដោយមិនប្រើកម្លាំង

ប្រសិនបើគ្រាន់តែឃើញចំណងជើង អាចមានបងបងប្អូនយើងគាត់គិតថាមិនត្រឹមត្រូវ ឬមិនយល់ស្របតាមបាន ប៉ុន្តែបងប្អូនអាចយកវិធីសាស្ត្រខាងក្រោមទៅប្រើសិនបាន បើគ្មានគុណភាពទេ ចាំមករកខ្ញុំបានតាមក្រោយទៀតក៏បានដែរ។ ហេតុអ្វីខ្ញុំហ៊ានពោលដោយភាពជឿជាក់យ៉ាងនេះ? មូលហេតុមកពីវាគ្មានអ្វីលើសពីនេះទេ ហើយមានបទពិសោធន៍ជាច្រើនចំពោះរឿងទាំងនេះដូចគ្នា។ សូមអនុវត្តន៍តាមគោលការខ្លីៗ ដូចខាងក្រោមនេះ៖ ១. កុំប្រកែក នៅពេលដែលជួបមនុស្សពូកែនិយាយ នៅក្នុងទីសាធារណៈ ឬកន្លែងផឹកសុីជាដើម ចូរអ្នកកុំធ្វើការប្រកែកពួកគេឲ្យសោះ គឺគ្រាន់តែឆ្លើយស្រប និងផ្តល់ជាគំនិតបន្តិចបន្តួចបានហើយ។ ពេលគេនិយាយចប់ គេគិតក្នុងចិត្តថា គេអស្ចារ្យជាងអ្នកច្រើនដោយសារតែគេនិយាយបានច្រើនជាងអ្នកនៅពេលនេះ។ ប៉ុន្តែតាមការពិតវិញ គេបានចាក់ទឹកចេញពីពាងសឹងតែអស់រលីងទៅហើយ ខណៈដែលទឹកទាំងអស់នោះបានហូរមកចូលពាងទឹករបស់យើងបានយ៉ាងច្រើន។ ហើយគេកាន់តែពេញចិត្តនឹងយើងថែមទៀត ព្រោះតែយើងមិនចេះនិយាយច្រើន តែស្តាប់គេបានច្រើន នូវអ្វីដែលគេចង់និយាយឬចង់ប្រាប់។ ២. រៀនធ្វើល្ងង់ៗ មនុស្សយើងកុំធ្វើឆ្លាតពេក (លាក់ពុត) ព្រោះថាមនុស្សដែលអួតខ្លួនឆ្លាតជាងគេ កម្ររស់នៅបានយូរជាងគេណាស់។ សត្វខ្លាកាចសាហាវ ពេលមនុស្សជួបតែងសម្លាប់។ ដូច្នេះកុំរៀនធ្វើមនុស្សឆ្លាតឲ្យសោះ និងរឹតតែមិនត្រូវបញ្ចេញភាពវៃឆ្លាតអួតប្រាប់អ្នកដទៃទៀត។ ត្រូវតែលាក់ទុកក្នុងចិត្ត ចាំពេលដែលសំខាន់ ចាំយកវាចេញមកប្រើការ ទើបមាលទ្ធផលល្អសម្រាប់អ្នក។ ម្យ៉ាងវិញទៀត មនុស្សដែលល្ងង់បំផុត គេមិនចង់បានមនុស្សដែលឆ្លាតជាងខ្លួនគេទេ មានតែមនុស្សឆ្លាតទេ ទើបគេចេះប្រើអ្នកដែលឆ្លាតជាងខ្លួនបាន។ ៣. រៀនចាប់យកឱកាស មិនថាការពោលរបស់គេទាំងនោះត្រូវចិត្តរបស់អ្នកឬអត់ទេ ប៉ុន្តែវាគង់តែមានប្រយោជន៍ដល់អ្នកនៅពេលណាមួយទេ គ្រាន់តែយូរ និងឆាប់ប៉ុណ្ណោះ។ ដូច្នេះត្រូវតែចង់ចាំ […]

Continue Reading

ទម្លាប់​សាមញ្ញ មួយចំនួន​ដែល​ធ្វើ​ឱ្យ​មនុស្ស​ទូទៅ​ ប្រែក្លាយទៅជា​កំពូល​មនុស្ស​ជោគជ័យបាន

ទម្លាប់ទាំង១២​នេះអាចធ្វើឱ្យលោកអ្នក​ជោគជ័យកាន់​តែច្រើនប្រសិន​បើ​អនុវត្តបានរាល់ថ្ងៃ​។ តើលោកអ្នក​មានទម្លាប់បែប​នេះប៉ុន្មាន​? ការសិក្សា​មួយរកឃើញថា​មនុស្សភាគច្រើន​គិតថា​ជោគជ័យគឺការ​សម្រេចបាន​គោលដៅ​ផ្ទាល់ខ្លួន​។ តាមពិតកំពូល​មនុស្សជោគជ័យ​មានគ្រប់ផ្នែកទាំងអស់​នៃជីវិត​គឺទ្រព្យសម្បត្តិ ​គ្រួសារ ​មិត្តភាព​ សុខភាព​ ហើយពេញ​ចិត្តនឹងអ្វីៗ​​ទាំងអស់ដែល​គេមាន​។ ទម្លាប់ទាំង១២​ខាងក្រោមនេះ​ធ្វើឱ្យគេទទួល​បានជោគជ័យ​គ្រប់ជ្រុងជ្រោយ​នៃជីវិត​៖ ១/ ជាមនុស្សនឹងធឹង កំពូលមនុស្ស​ជោគជ័យជា​មនុស្សនឹងធឹង​ដោយសារ​គេតែងតែ​ពិនិត្យ​តាមដានអារម្មណ៍របស់​គេគ្រប់ពេល​ រួចប្រើប្រាស់​ចំណេះដឹង​ដើម្បីឆ្លើយ​តបទៅ​នឹងស្ថានការ​ប្រឈម។ ពេលស្ថានការ​ដុនដាបមិនអាចគ្រប់គ្រង​បាន​ គេ​មានអារម្មណ៍​ស្ងប់ស្ងៀម​ រួចបត់បែន​និងនៅតែរីករាយ​ចំពោះជីវិត​គ្រប់ពេល។ ២/ ជាមនុស្សចេះដឹងច្រើន កំពូលមនុស្សជោគជ័យ​ដឹងច្រើនជាង​មនុស្សដទៃ​ដោយសាគេ​ខិតខំ​បង្កើនការយល់ដឹង​ជានិច្ច។ គេតែងតែ​ឆ្លៀតឱកាស​រៀនសូត្រ​គ្រប់ពេល ​ហើយ​គេមិនមែនរៀន​ដើម្បីតែ​បង្អួតអ្នក​ដទៃទេ គឺគេ​រៀនព្រោះ​តែគេចង់​ចេះចង់ដឹង​។ ៣/ ជាមនុស្សមានសេរីភាព កំពូលមនុស្ស​ជោគជ័យ​សម្រេចចិត្ត​តាមរយៈ​ការគិត​យ៉ាងល្អិតល្អន់​ និង​សួររកដំបូន្មាន​ពីអ្នកដទៃ​។ គេក៏ដឹង​ទៀតថា​ការពឹងផ្អែក​ជ្រុល​តែលើគំនិត​ខ្លួនឯង​ច្រើ​ន​​តែនាំទៅ​រកផ្លូវខុស។ ការមាន​សមត្ថភាពបន្ថយល្បឿន​នៃស្ថានការ​និងគិតគូរវែងឆ្ងាយធ្វើឱ្យមាន​ការខុសគ្នារវាងមនុស្សជោគជ័យ​និងមនុស្សមិន​ជោគជ័យ​។ ៤/ និយាយក្នុងភាពជឿជាក់ កម្រឃើញកំពូល​មនុស្សជោគជ័យ​និយាយពាក្យរ​ដិបរដុប​ ឬពាក្យថា​ខ្ញុំដូច​ជាមិនច្បាស់​។ មនុស្សជោគជ័យ​និយាយច្បាស់លាស់​ព្រោះគេដឹងថា​គេពិបាកអូសទាញ​ឱ្យមនុស្សស្តាប់​គេនិយាយ​ប្រសិនបើ​គេមិនអាច​បង្ហាញ​គំនិតឱ្យច្បាស់​និងជាក់លាក់​។ ៥/ ប្រើប្រាស់ភាសាកាយវិការវិជ្ជមាន ការស្គាល់រ​បៀបប្រើប្រាស់​កាយវិការ ​និងរបៀប​លើកដាក់​សំឡេង​ពេលនិយាយ ​ធ្វើឱ្យមនុស្សចាប់​អារម្មណ៍ចង់ស្តាប់​។ ការប្រើប្រាស់​ដៃលើក​ដាក់ចុះឡើងទៅ​តាមសាច់រឿង​ដែលនិយាយ ​និងរក្សាទឹក​មុខនិងភ្នែក​ផ្តោត​លើមនុស្សដែលនៅ​ចំពោះមុខគឺជា​អាថ៌កំបាំងនៃ​ឥទ្ធិពលរបស់​មនុស្ស​ជោគជ័យ។ ៦/ តែងតែធ្វើឱ្យអ្នកដទៃចាំមិនភ្លេចក្រោយពីជួបបានម្តង ការសិក្សាស្រាវជ្រាវ​បង្ហាញថា​មនុស្សភាគ​ច្រើនសម្រេច​ចិត្តថា​គេចូលចិត្ត​ណាម្នាក់​ឬអត់នៅក្នុង​ពេល៧វិនាទី​ដំបូងនៃការជួបគ្នា​។ បន្ទាប់​មកការ​សន្ទនាទាំងមូល​គ្រាន់តែ​ជាការព្យាយាម​ឱ្យហេតុផល​ទៅលើការ​ចូលចិត្ត​ឬមិនចូលចិត្តនោះ​តែប៉ុណ្ណោះ​។ ការដឹង​បែបនេះ​លោកអ្នកអា​ចទាញយក​ប្រយោជន៍បានច្រើន​ពីទំនាក់ទំនង​ប្រចាំថ្ងៃ​។ ៧/ ស្វែងរកតាំងពីជោគជ័យតូចតាចឡើងទៅ មនុស្សជោគជ័យ​ចូលចិត្តប្រជែង​ខ្លួនឯងនិង​ប្រកួតគ្នាបើទោះ​ជាការ​ប្រឹងប្រែងរបស់​គេផ្តល់ផល​មកវិញតែ​បន្តិចបន្តួច​ក៏ដោយ។ ជោគជ័យ​តូចតាច​បង្កើតបានជាផ្នត់​គំនិតថ្មីៗ​សម្រាប់សន្សំ​ទុកលើក​ទឹកចិត្តនៅ​ពេលក្រោយ​។​ ពេលជោគជ័យ​តូចតាចនៃផ្តុំគ្នា​បានច្រើនឡើង​និងយូរទៅវានឹង​ផ្តល់ទំនុក​ចិត្ត​ដើម្បីប្រជែង​ក្នុងពេល​អនាគត។ ៨/ មិនចេះភ័យខ្លាច ការភ័យខ្លាចគ្មាន​អ្វីក្រៅពីអារម្មណ៍​ដែលបញ្ឆេះដោយការ​ស្រមើស្រមៃ​នោះទេ។​ ការភ័យខ្លាចគឺជាជម្រើស​។ មនុស្សខ្លាំងពូកែ​ដឹងចំណុច​នេះជាង​មនុស្សទូទៅ […]

Continue Reading