បោះចោលតែ ៩ចំណុចនេះបាន នោះអ្នកនឹងរស់នៅប្រកបដោយភាពជោគជ័យ និងមានសុភមង្គលក្នុងជីវិត

ក្នុងនាម​ជាសហគ្រិន ខ្លួន​អ្នកផ្ទាល់​ជាមិត្តល្អ​បំផុត និងជាសត្រូវអាក្រក់​បំផុត​របស់​ខ្លួនឯង។ អ្នក​ជាមនុស្ស​ដែលស្ថិតនៅ​ក្នុង​ចន្លោះ​នៃ​ការជឿជាក់​លើសមត្ថភាព​របស់​ខ្លួនឯង​ដើម្បីកែប្រែពិភពលោកនេះ ធ្វើឱ្យកាន់តែប្រសើរឡើង នឹងការសង្ស័យ​ខ្លួនឯង ការបង្អែបង្អង់ពេលវេលា​ចាប់ផ្តើម​ធ្វើកិច្ចការ​ដែលចង់ធ្វើ និងការចាយវាយ​មិនចាំបាច់។ នៅឆ្នាំ​២០១៧នេះ អ្នកអាចចាប់ផ្តើម​អ្វីៗដែលថ្មី និងត្រូវបោះបង់​ទម្លាប់​អាក្រក់មួយចំនួន​ចេញ៖ ១/ ការមានអារម្មណ៍​ថាខ្លួនឯង​មានមរតកពិសេស ពិតណាស់​ថា​អ្នក​ជា​បុគ្គលម្នាក់​ដែល​មាន​សក្តានុពល មាន​ជំនាញ​ និង​ទស្សនវិស័យ​ ប៉ុន្តែប្រការ​ទាំងអស់​នេះ​មិនមែន​មាន​ន័យថា​ពិភពលោក​នេះ​មានអ្វី​ជំពាក់​អ្នក​ទេ ជាពិសេស​ក្នុងនាម​ជាសហគ្រិន។ បើ​អ្នក​ចង់​បាន​ជោគជ័យ អ្នកត្រូវ​តែ​ប្រឹងប្រែ​ដើម្បី​បង្កើត​វាឡើង។   ២/ ការព្យាយាម​ធ្វើ​អ្វីៗគ្រប់យ៉ាង​តែម្នាក់ឯង ជារឿងធម្មតា​ទេដែល​មនុស្សត្រូវចេះសុំយោបល់ ​ឬជំនួយពីអ្នកដទៃ ហើយ​ពេលខ្លះ អ្នក​ក៏អាច​ជួលមនុស្ស​មកជួយ​រំលែក​បន្ទុក​ការងារបាន​ដែរ។ អ្នក​មានបណ្តាញមិត្តភក្តិច្រើនដែល​រីករាយ​ចាំ​ជួយអ្នក។ ភាគជាសហគ្រិន​ជាដំណើរមួយដែល​ពិបាកស្រាប់ទៅ​ហើយ កុំធ្វើអ្វី​ដែល​មិនចាំបាច់​ឱ្យ​វាកាន់តែ​លំបាកជាង​នេះទៅទៀត។   ៣/ ព្យាយាម​ធ្វើឱ្យល្អឥតខ្ចោះ មនុស្សគ្រប់គ្នា​សុទ្ធ​តែធ្លាប់​បរាជ័យ​នៅពេល​ខ្លះ។ បុគ្គលជោគជ័យ​ជា​មនុស្ស​ដែល​បន្ត​ក្រោកឈរ​ក្រោយពេលដួល។ ការព្យាយាម​ធ្វើឱ្យ​បានល្អឥតខ្ចោះនឹង​រារាំង​អ្នក​មិន​ឱ្យ​បង្កើត​កំហុស​ដើម្បី​រៀនសូត្រដែល​ជា​ដំណើរ​ចាំបាច់ឆ្ពោះទៅរកជោគជ័យ។   ៤/ ការប្រៀបធៀបខ្លួនឯង​ជាមួយ​អ្នកដទៃ មនុស្ស​ជោគជ័យ​ជាគំរូល្អដើម្បី​ជំរុញចិត្ត​អ្នក​ឱ្យ​ខិតខំ។ ជោគជ័យ​របស់គេ​អាច​ជាផែនទីជួយ​អ្នក​ឱ្យជៀសវាង​ឧបសគ្គដូចគ្នាដែល​គេបាន​ជម្នះឡើងទៅ​រក​គោលដៅ។ អ្នក​មិនត្រូវ​សំឡឹងមើលបុគ្គលជោគជ័យ​ រួចមកស្អប់ខ្ពើមខ្លួនឯង​ដែលមិនជោគជ័យស្មើគេនោះទេ។ គេចាប់ផ្តើម​ និងព្យាយាម​ទៅ​ឱ្យ​ដល់​គោលដៅ​របស់គេ ហើយ​ប្រសិនបើ​អ្នក​ផ្តោត​លើ​មេរៀន ​អ្នកអាច​រៀន​ពីគេ​ដើម្បី​ទៅ​ដល់​គោលដៅរបស់​អ្នកដូចគ្នាដែរ។   ៥/ ការអល់អែក​រារែក​មិនព្រមចាប់ផ្តើម ផ្នែកខ្លួះ​នៃ​មុខជំនួញ​របស់អ្នក​មិនងាយស្រួល​ទេ។ អ្នកប្រហែល​ជាស្អប់មិនចូលចិត្ត​ធ្វើយុទ្ធនាការផ្សព្វផ្សាយ​តាមអ៊ីម៉ែល ឬរៀបចំគេហទំព័រ​ឡើងវិញ។ គ្មាន​នរណាម្នាក់​ពេញ​ចិត្ត​ធ្វើការ​លំបាកៗទេ ប៉ុន្តែគ្រប់ជំហាន​ទាំងអស់​សុទ្ធតែ​ចាំបាច់​និង​ត្រូវតែ​ធ្វើ។ […]

Continue Reading

វិធីទំាង ​៥ យ៉ាង ដែលជួយដុះ​ខាត់​ផ្នត់​គំនិត​របស់អ្នក​​ ដើម្បីធ្វើអោយ​ជីវិត​មានការរីក​ចម្រើន និង​ជោគជ័យ

ផ្នត់គំនិតជា​បណ្តុំនៃឥរិយាបថ​ ដែលមាន​សារៈ​សំខាន់​​ចំពោះ​ការរីក​ចម្រើន និង​ជោគជ័យ ជាងខួរក្បាល ឬទេពកោសល្យ​ទៅទៀត។ ពេលមនុស្ស​យើងផ្លាស់ប្តូរផ្នត់គំនិត​ដែលរីកចម្រើន យើងអាចកែប្រែមាគ៌ា​ជីវិតរបស់​យើងទៅរកទិសដៅដែល​យើងចង់បាន។ មនុស្សគ្រប់គ្នា​អាចអនុវត្តជំហាន​ងាយៗខាងក្រោមនេះ​រាល់ថ្ងៃដើម្បី​បង្កើត​ផ្នត់គំនិត​៖ ១/ ដកដង្ហើមកុំធ្វើអ្វីសោះ (៥នាទី) ការសិក្សាបង្ហាញថា ការនៅស្ងប់ស្ងាត់​តែពីរបីនាទី​ក្នុងមួយថ្ងៃអាច​បើកខួរក្បាលរបស់​យើងឱ្យនឹករកឃើញ​គំនិតច្នៃប្រឌិត​បំផុតរបស់​យើងបាន។ ដូច្នេះ អ្នក​អាចអង្គុយ ឬឈរ​នៅមួយកន្លែង​យ៉ាងស្ងៀមស្ងាត់​ដើម្បីធ្វើឱ្យ​ចិត្តស្ងប់។ បន្ទាប់​មកផ្តោតអារម្មណ៍​លើវត្ថុ ឬរូបភាពណាមួយ​ដែលអ្នកយល់​ថា អាចធ្វើឱ្យអ្នកមាន​សន្តិភាពផ្លូវចិត្ត​។ ជាទូទៅចិត្តរបស់​អ្នកមិនចង់នៅ​ស្ងៀមទេ វាតែងតែនឹកទៅ​រករឿងរ៉ាវផ្សេងៗ​ដែលរំខាន​ដល់ភាព​ស្ងប់ស្ងៀម។ ក្នុងករណី​បែបនេះ អ្នកគ្រាន់​តែកំណត់ដឹង រួចទាញចិត្ត​ត្រឡប់មក​រករូបភាព ឬវត្ថុ​នៃសន្តិភាពរបស់​អ្នកវិញ។   ២/ ពិនិត្យមើលចរន្តគំនិតរបស់អ្នក (៥នាទី) តើអ្នកធ្លាប់ក្រោក​ពីដំណេកក្នុងពេលព្រឹក​ដែលមានធាតុអាកាស​មិនល្អ និងនិយាយថា នេះជាថ្ងៃមិនល្អដែរ​ទេ? គំនិត​បែបនេះជាមេដែក​ឆក់យកអារម្មណ៍និង​ទិដ្ឋភាពមិនល្អៗ​ពេញមួយថ្ងៃ​របស់អ្នក។ គំនិតរបស់​យើងមាន​ឥទ្ធិពលណាស់​។ វាបង្កើតអារម្មណ៍​ដែលឈានទៅ​រកសកម្មភាព និងឥរិយាបថ​ដែលកំណត់ថ្ងៃ​របស់យើង។ ការរៀនដឹងថា យើងអាចជ្រើសរើស​គំនិតរបស់​យើងបានជា​វិធីដែលមានឥទ្ធិពល​បំផុតដែលយើង​អាចកាន់ចង្កូត​នាវាជីវិត​ផ្ទាល់ខ្លួនរបស់យើង​។ ដូច្នេះ ប្រើពេល៥នាទី​ដើម្បីលៃ​យ៉ាងណាឱ្យគំនិ​តរបស់យើង​ពោពេញ​ដោយភាព​វិជ្ជមាន។   ៣/ សរសេរបញ្ជីនៃការដឹងគុណ (៣នាទី) កំណត់​ពេលរួចសរសេររឿង​៥យ៉ាងដែលអ្នកគួរ​ដឹងគុណឱ្យ​បានរាល់ថ្ងៃ​។ ការសិក្សាស្រាវជ្រាវ​របស់ចិត្តវិទូ​បង្ហាញថា ការរក្សា​សៀវភៅកំណត់​ហេតុនៃការដឹងគុណ​ជួយដល់ឥរិយាបថ​វិជ្ជមាន និងធ្វើឱ្យយើង​មានអារម្មណ៍ល្អ គេង​លក់ស្រួល និងថែ​មទាំងជួយឱ្យប្រព័ន្ធភាព​ស៊ាំកាន់តែរឹងមាំ​ទៀតផង។ ពីមួយថ្ងៃទៅមួយ​ថ្ងៃ អ្នកគួរតែ​ព្យាយាមបង្កើត​តារាងនៃការដឹងគុណ​ផ្សេងៗគ្នា ហើយនៅ​ពេលចុងសប្តាហ៍ អ្នកនឹង​ដឹងថាវាជួយផ្នត់​គំនិតអ្នកបាន​ប៉ុណ្ណា។   […]

Continue Reading

បច្ចេកទេសផ្សំថ្នាំពុលធម្មជាតិកម្ចាត់ដង្កូវចោះដើមស្រូវពណ៌លឿង ស្រឹងជញ្ជក់ទឹកដោះ ដង្កូវកាត់ដើម និងអណ្ដើកមាសវែង

បច្ចេកទេសថ្នាំពុលធម្មជាតិកម្ចាត់ដង្កូវចោះដើមស្រូវពណ៌លឿង ស្រឹងជញ្ជក់ទឹកដោះ ដង្កូវកាត់ដើម និងអណ្ដើកមាសវែង! សូមជួយចែករំលែកដល់កសិករយើងបានដឹងផង! ក. គ្រឿងផ្សំ – ម្ទេស ១ គីឡូក្រាម – ទៀប ១ គីឡូក្រាម – គ្រាប់ប៉ិគក់ ១ គីឡូក្រាម – ទឹក ២ លីត្រ។ ខ. វិធីធ្វើ – ហាន់គ្រឿងផ្សំឱ្យតូច – ដាក់ទៅក្នុងពាង ឬធុងដែលបានដាក់ទឹក ២ លីត្រ ចូលរួច – បិទពាងនោះ ដាក់នៅក្រោមម្លប់ដើមឈើរយៈពេល ១ សប្ដាហ៍ ។ គ. វិធីប្រើ – យកទឹកថ្នាំខាងលើចំនួន ០,២៥ លីត្រ លាយជាមួយទឹក ១២ លីត្រ – បាញ់ទៅលើរុក្ខជាតិដែលរង ការបំផ្លាញនោះ នៅម៉ោង ៤ ទៅម៉ោង ៥ […]

Continue Reading

វិធី​ងាយៗ ដែលអាចជួយអោយអ្នកកែប្រែកែ​ទម្លាប់​អាក្រក់ ចេញពីជីវិតរបស់អ្នកបាន

ទម្លាប់​ចាប់ផ្តើមផ្លាស់ប្តូរ​នៅពេលយើង​ចាប់ផ្តើមកែប្រែទស្សនៈ​របស់យើង​។ អារម្មណ៍​ជាកម្លាំងដ៏ខ្លាំងខ្លា​បំផុតនៅក្នុង​ខ្លួនមនុស្ស​យើង។ ស្ថិតនៅ​ក្រោម​ឥទ្ធិពល​នៃអារម្មណ៍​ មនុស្សយើងអាច​ធ្វើអ្វីៗបានទាំងអស់​។ អារម្មណ៍​ជា​ឥន្ធនៈសម្រាប់​យន្តហោះ​ ចំណែកចិត្តជា​អាកាយានិក​ ហើយកាលណា​អារម្មណ៍​និងចិត្តរួមគ្នា​ មនុស្សអាចរុញ​ច្រានពិភពលោក​នេះបាន​។​ អ្នកនិពន្ធ​សៀវភៅ ​7 Strategies for Wealth & Happiness ​លោក​ Jim ​Rohn​ បាន​បង្ហាញ​អារម្មណ៍មូលដ្ឋាន​៤​ដែលអាច​ប្រើប្រាស់​ដើម្បី​ធ្វើសកម្មភាព​អស្ចារបំផុត​ក្នុង​ការ​ផ្លាស់ទម្លាប់​មិន​ល្អ ​និង​កែ​ប្រែមាគ៌ា​ជីវិត​៖ ១/ ស្អប់ខ្ពើម អារម្មណ៍​ស្អប់ខ្ពើម​ច្រើន​តែត្រូវ​គេស្គាល់​ក្នុងន័យ​អវិជ្ជមាន​ ប៉ុន្តែ​បើប្រើ​ប្រាស់ក្នុងផ្លូវ​ល្អ អារម្មណ៍​មួយនេះអាច​កែប្រែ​ជីវិត​មនុស្ស​បាន។ មនុស្ស​ដែល​មានអារម្មណ៍​ស្អប់ខ្ពើម​បានដើរ​ដល់ចំណុច​មួយដែល​មិនអាចត្រឡប់​ក្រោយ​វិញ​បាន​។ ក្នុងន័យ​វិជ្ជមាន​អារម្មណ៍មួយ​នេះស្តែង​ចេញមកនៅ​ពេលមនុស្ស​ណាម្នាក់​និយាយថា​ គ្រប់គ្រាន់​គឺគ្រប់គ្រាន់​ហើយ​។ គេឆ្អែត​នឹងភាពក្រីក្រ​ ភ័យ​ខ្លាច ការមើល​ស្រាល និងការ​ឈឺចាប់​ទាំងអស់។​ គេសម្រេចចិត្ត​ថា នឹង​ឈប់​រស់របៀប​នេះ​តទៅទៀត​។ ២/ សម្រេចចិត្ត មនុស្សយើង​ភាគច្រើនត្រូវ​ការឱ្យគេរុញ​ច្រានរហូតទាល់​ច្រកដើម្បី​សម្រេចចិត្ត​។ ការសម្រេចចិត្ត​កែប្រែជីវិត​ប្រៀបដូច​ជាសង្រ្គាម​ស៊ីវិល​ក្នុងខ្លួន​មនុស្សម្នាក់​។ មានទាហាន​អារម្មណ៍​ពីរក្រុមដែល​ចាំតែផ្តល់ហេតុផល​ប្រជែងគ្នា​ ហើយប្រយុទ្ធគ្នា​ដើម្បីដណ្តើប​ការកាន់កាប់​លើចិត្តរបស់​យើង។​ មិនខ្វល់​ថា​លោកអ្នកធ្វើអ្វី​ទេ ត្រូវ​តែសម្រេច​ចិត្ត។​ ការសម្រេច​ចិត្តខុសប្រសើរ​ជាងការ​មិនសម្រេចចិត្ត​ទាល់តែ​សោះ។ មនុស្ស​យើងគ្រប់​គ្នាត្រូវតែ​ប្រឈម​នឹងព្យុះ​នៃអារម្មណ៍ ​ហើយត្រូវរៀប​ចំអារម្មណ៍​ទាំងនោះ​ឱ្យមាន​សណ្តាប់ធ្នាប់​។ ៣/ ឆន្ទៈ តើមនុស្សម្នាក់អា​ចមានឆន្ទៈបាន​ដោយរបៀបណា​? ឆន្ទៈ​ជាការ​តាំងចិត្ត​ដែលកើត​ចេញពី​ខាងក្នុង​ខ្លួនមនុស្សម្នាក់​ៗ ប៉ុន្តែ​គេអាច​ដាសវា​ឱ្យភ្ញាក់​ពី​ដំណេកដោយ​កម្លាំងខាងក្រៅ​ខ្លួនមនុស្ស​បាន​។ ពេលវេលា​និងការរៀបចំ​អាច​ធ្វើឱ្យអ្វីៗ​ស្ទើរតែគ្រប់​យ៉ាងរុញ​ច្រាន​ឆន្ទៈបាន​។ សម្រាប់​អ្នកខ្លះ​ កត្តា​ជំរុញ​ឆន្ទៈ​អាចជាចម្រៀង​មួយបទ​ ឬសម្តីល្អ​មួយឃ្លា​ ឬក៏សៀវភៅ​មួយក្បាល​។ […]

Continue Reading

ហាមញ៉ាំផ្លែម្រះដាច់ខាត ចំពោះអ្នកដែលឋិតក្នុងស្ថានភាពទាំង៥ប្រភេទនេះ ព្រោះវាមានផលប៉ះពាល់ដល់សុខភាពរបស់អ្នក

ផ្លែ​ម្រះ​ត្រូវ​បាន​គេ​ស្គាល់​ថា ជា​ប្រភេទ​បន្លែ​ដែល​មាន​អត្ថប្រយោជន៍​ច្រើន​សម្រាប់​សុខភាព។ វា​សម្បូរ​ទៅ​ដោយ​វីតាមីន និង​សារធាតុ​រ៉ែ​ដូច​ជា ប្រូតេអ៊ីន​ កាល់ស្យូម ប៉ូតាស្យូម ម៉ាញេស្យូម និង​ជាតិ​ដែក​ជា​ដើម​។ ប៉ុន្តែ​ដោយ​សារ​វា​អាច​មាន​ផល​ប៉ះពាល់​ខ្លះ ទើប​មិន​មែន​មនុស្ស​គ្រប់​គ្នា​សុទ្ធ​តែ​អាច​ញ៉ាំ​បន្លែ​ល្វីង​មួយ​នេះ​បាន​ទេ​។ ​ ​មូលហេតុមួយចំនួន ដែល​មិន​គួរ​ញ៉ាំ​ម្រះ ដើម្បី​កុំ​ឱ្យ​មាន​បញ្ហា​ដល់​សុខភាព? ១. ស្ត្រី​មាន​ផ្ទៃ​ពោះ​ និង​ស្ត្រី​បំបៅ​កូន​ដោយ​ទឹក​ដោះ ផ្លែ​ម្រះ​មិន​សូវ​សម្បូរ​ជាតិ​កាក​សរសៃ និង​ជាតិ​ខ្លាញ់​ទេ​ ដូច្នេះ​វា​មិន​ល្អ​ឡើយ​សម្រាប់​ធ្វើ​ជា​អាហារ​បំប៉ន​សម្រាប់​ស្ត្រី​មាន​ផ្ទៃ​ពោះ និង​ក្រោយ​ពេល​ឆ្លង​ទន្លេ។ ក្រៅ​ពី​នេះ វា​ក៏​អាច​បណ្ដាល​ឱ្យ​ទៅ​ជា​ខ្វះ​ជាតិ​ស្ករ​ទៀត​ផង​។ មួយ​វិញ​ទៀត ​ម្រះ​អាច​ជួយ​បង្កើន​កម្លាំង​មាត់​ស្បូន​ ដែល​អាច​បណ្ដាល​ឱ្យ​មាន​ការ​ធ្លាក់​ឈាម និង​អាច​ឱ្យ​កូន​កើត​មិន​គ្រប់​ខែ​ក៏​ថា​បាន​។ ចំណែក​ស្ត្រី​បំបៅ​ដោះ​កូន មិន​គួរ​ញ៉ាំ​បន្លែ​នេះ ព្រោះ​សារធាតុ​ប៉ះពាល់​ទាំង​ឡាយ​អាច​ជ្រៀត​ចូល​តាម​រយៈ​ទឹក​ដោះ បណ្ដាល​ឱ្យ​កូន​មាន​បញ្ហា​​។ ២. អ្នក​មាន​សម្ពាធ​ឈាម​ទាប​ អ្នក​ធ្លាប់​មាន​សម្ពាធ​ឈាម​ធ្លាក់​ចុះ​មិន​គួរ​ញ៉ាំ​ម្រះ​ទេ ដោយ​សារ​បន្លែ​ប្រភេទ​នេះ​មាន​សារធាតុ​មួយ​ចំនួន​ដែល​បណ្ដាល​ឱ្យ​ជាតិ​ស្ករ​នៅ​ក្នុង​ឈាម​កាន់​តែ​ធ្លាក់​ចុះ​ទាប និង​បង្ក​ឱ្យ​ជំងឺ​ខាង​លើ​នេះ​កាន់​តែ​ធ្ងន់ធ្ងរ​ជាង​មុន​។ ៣. អ្នក​ទើប​វះកាត់​រួច​ ​អ្នក​ជំនាញ​ជាច្រើន​រក​ឃើញ​ថា ​ការ​ញ៉ាំ​ផ្លែ​ម្រះ​អាច​ចូល​ទៅ​រំខាន​ដល់​ការ​គ្រប់​គ្រង​កម្រិត​គ្លុយកូស​ក្នុង​ឈាម​ទាំង​ក្នុង ​និង​ក្រោយ​ពេល​វះ​កាត់​។ ដូច្នេះ​ជា​ការ​ល្អ គួរ​តែ​បញ្ឈប់​ការ​ញ៉ាំ​អាហារ​ទាំង​ឡាយ​ដែល​មាន​ជាតិ​ម្រះ ​យ៉ាង​ហោច​ណាស់ ​២​អាទិត្យ​ ទាំង​មុន ​និង​ក្រោយ​ពេល​ដែល​ត្រូវ​វះ​កាត់​។ ៤. អ្នក​មាន​បញ្ហា​ថ្លើម​ និង​តម្រង​នោម អ្នក​ជំងឺ​ទាំង​២​ប្រភេទ​នេះ គួរ​ចៀស​វាង​ការ​ញ៉ាំ​ម្រះ ​ដោយសារ​វា​ជា​ប្រភេទ​បន្លែ​ដែល​ពិបាក​រំលាយ និង​អាច​បណ្ដាល​ឱ្យ​ទៅ​ជា​ហើម​។ […]

Continue Reading

គន្លឹះទាំង ៤ យ៉ាងដែលអាចជួយអោយអ្នក​គេចផុត​ពី​​ភាពបរាជ័យ

ភាគច្រើននៃមូលហេតុ​បណ្តាល​ឱ្យមនុស្សម្នាក់ៗ​បរាជ័យ​កើតចេញ​ពីខ្លួនឯង​។ បើមានការប្រុងប្រយ័ត្ន​បន្តិច​ មានកា​រស្រាវជ្រាវខ្លះ​ និង​គិត​ទុកជាមុន ​មនុស្សយើង​អាចជៀស​វាង​បរាជ័យបាន​។ ឧទាហរណ៍​ជាក់ស្តែង​ ដំណើរ​ចាប់​ផ្តើម​បង្កើត​ក្រុមហ៊ុន​មួយដួល​រលំ​ដោយសារ​គ្មានតម្រូវការ​ទីផ្សារ​សម្រាប់ផលិតផល ឬសេវាកម្ម​ដែលគេ​បង្កើតឡើង​។ គេអាច​ដោះស្រាយ​បញ្ហា​នេះបាន​យ៉ាងងាយ​តាមរយៈ​ការស្រាវជ្រាវ​ទីផ្សារ​ដើម្បីរក​មើលថា មានតម្រូវ​ការ​ឬអត់​។ រូបមន្តងាយៗ​គឺតុល្យភាព​រវាងការផ្គត់ផ្គង់​និងតម្រូវការ​ បើគ្មាន​តម្រូវការ​ មិនបាច់​បង្កើត​ការផ្គត់ផ្គង់​ឡើយ​។ ជាទូទៅ​ មូលហេតុ​ចម្បង​នៃ​បរាជ័យមាន​៤ ហើយយើង​អាចឈ្វែង​យល់​ដើម្បី​ជៀស​វាងបាន​៖ ១/ ការផ្តោត ដើម្បីបង្កើន​ការផ្តោត​ឱ្យបានត្រឹមត្រូវ​ យើងត្រូវធានា​ថាយើងមាន​ក្នុងចិត្ត​យ៉ាងច្បាស់​នូវរូបភាព​ជោគជ័យ​ដែលយើង​ចង់បាន​។ ហើយយើង​ត្រូវប្រាកដ​ថាយើង​មិនដាក់​បន្ទុកលើខ្លួន​ឯងជ្រុលតាមរយៈ​ការបង្កើត​គោលដៅ​ច្រើន​ពេកឡើយ​ ព្រោះថា​នៅពេលយើង​ផ្តោតលើអ្វីៗ​ទាំងអស់​ ពេលនោះ​យើងគ្មាន​អ្វីប្រាកដ​ច្បាស់លាស់​ទេ។ យើង​ត្រូវប្រាកដ​ទៀតថា​ យើងបាន​ពន្យល់ប្រាប់​ក្រុមការងារ​ទាំងអស់​ឱ្យយល់​ច្បាស់​មិនត្រឹម​តែគោលដៅ​ទេ តែថែម​ទាំងត្រូវ​ប្រាប់នូវ​មូលហេតុ​ដែលពួកគេ​មានសារៈ​សំខាន់​ក្នុងដំណើរ​ទៅរកគោលដៅ​នោះទៀត​ផង​។   ២/ ទំនួលខុសត្រូវ ទំនួលខុស​ត្រូវប្រហែល​ជារឿងសាម័ញ្ញ​បំផុតមួយ​ដើម្បីដោះ​ស្រាយបញ្ហា​ ប៉ុន្តែជាទូទៅ​គេច្រើន​មើលរំលង​ចំណុចមួយនេះ​។ ទំនួលខុស​ត្រូវទាំង​អស់ចាប់​ផ្តើម​ចេញពីភាពជា​អ្នកដឹកនាំ​ គឺថាប្រសិន​បើអ្នកដឹកនាំ​ធ្វើខ្លួនជា​គំរូ​សម្រាប់​ការទទួល​ខុសត្រូវ​ មនុស្ស​ក្រោមបង្គាប់​ទាំងអស់​នឹងចម្លង​តាមរួច​បង្កើត​បាន​វប្បធម៌​ទទួលខុសត្រូវក្នុង​ស្ថាប័នការងារ​។ ប៉ុន្តែបញ្ហា​ប្រឈមស្ថិត​នៅត្រង់ថា​ មានមេដឹកនាំ​ច្រើនពេក​ដែលជ្រើស​រើសបង្កើត​វប្បធម៌ស្តី​បន្ទោស​ជាជាង​ទំនួលខុសត្រូវ​ ហើយគ្មាន​អ្វីបំផ្លាញ​ទំនួស​ខុសត្រូវបាន​រហ័ស​ជាងការ​ស្តីបន្ទោស​ឡើយ​។   ៣/ ភាពសាម័ញ្ញ បើយើង​អាចធ្វើការ​បានកាន់តែ​សាម័ញ្ញ អ្វីៗ​ទាំងអស់​នឹងសម្រេច​បាន​ក្នុងរបៀប​កាន់តែងាយស្រួល​។ ប៉ុន្តែបញ្ហា​ស្ថិតនៅត្រង់​ថា យើងហាក់​ដូចជា​មាន​ទំនោរ​ជឿលើដំណោះស្រាយ​ដែលមានស្រាប់​ក្នុងការធ្វើរឿងរ៉ាវ​ឱ្យកាន់តែ​ស្មុគស្មាញ​ជាងភាពជាក់ស្តែង​។ វិធីងាយបំផុត​ដើម្បីបណ្តុះ​ភាពសាម័ញ្ញ​គឺការស្រមៃ​ដល់កិច្ចការ​ដែលត្រូវ​ធ្វើប្រសិន​បើអ្នកមាន​ពេលត្រឹមតែ​២០%​ដើម្បីបង្ហើយ​កិច្ចការនោះ​។ ការស្រមៃដាក់​ខ្លួនឯង​ក្នុងសម្ពាធ​ពេលវេលា​បែបនេះជួយ​យើងឱ្យប្រយុទ្ធ​នឹងទំនោរ​ទៅរកភាព​ស្មុគស្មាញ​ជ្រុល​។   ៤/ តម្លាភាព ទិន្នន័យ​អាចប្រាប់យើង​បានច្រើនអំពីកិច្ចការ​ដែលយើង​កំពុងតែ​បំពេញ។ សព្វថ្ងៃ​នេះ មនុស្ស​កាន់តែច្រើន​ឡើងចាប់​ផ្តើមមើល​ឃើញ​និងយល់​ដឹងអំណាច​នៃទិន្នន័យ​។ ប៉ុន្តែ​យើងត្រូវ​ធ្វើឱ្យប្រាកដ​ថា យើង​មាន​រង្វាស់រង្វាល់ច្បាស់​លាស់ដើម្បី​វាស់ស្ទង់​ដំណើរវិវត្តន៍​ការងាររបស់​យើងឆ្ពោះទៅ​រកគោលដៅដែល​បានកំណត់ទុក​។ យកចិត្ត​ទុកដាក់លើ​ចំណុចទាំង៤​នេះ […]

Continue Reading

វិធីសាស្ត្រងាយៗទាំង ៣យ៉ាង ដែលអាចធ្វើអោយមិត្តអ្នកអានឆាប់ចាប់បាន និងមិនងាយភ្លេច

ការអានសៀវភៅ កាសែន ទស្សនាវដ្តី ។ល។ ជារឿងសំខាន់សម្រាប់មនុស្ស ដែលចង់បានចំណេះដឹងថ្មីៗ ដើម្បីទុកប្រើប្រាស់ក្នុងជីវិតរស់នៅជាប្រចាំថ្ងៃ។ ក៏ប៉ុន្តែមានកត្តាមួយចំនួន ដែលធ្វើឱ្យអ្នកអានចាប់មិនសូវបាន​ រៀនមិនសូវយល់ និងងាយភ្លេចជាដើម។ ខាងក្រោមនេះ គឺជាកត្តា ៣ចំណុច ដែលធ្វើឱ្យអ្នកអានឆាប់ចាប់បាន និងមិនងាយភ្លេចទៀត៖ ១. កុំអានលឿនពេក ការអានលឿនពេក ជាកត្តាមួយដែលធ្វើឱ្យអារម្មណ៍រត់មិនអាន ឬក្តោមន័យមិនអស់ ធ្វើឱ្យជ្រុះបាត់ន័យនៅក្នុងសៀវភៅជាដើម។ ដូច្នេះវិធីងាយៗ ដែលត្រូវកែប្រែឡើងវិញគឺ ត្រូវតែអានកុំលឿនពេក ត្រូវអានឱ្យបានច្រើនដងពេល ដែលមិនយល់ត្រង់ចំណុចណាមួយ។ ២. កុំអានយឺតពេក ការអានសៀវភៅដែលយឺតពេក នឹងធ្វើឱ្យអ្នកអានធុញទ្រាន់ ឈឺក្បាល និងមិនចង់អានសៀវភៅជាដើម។ ដូច្នេះហើយ បើសិនពេលអានសៀវភៅ មានអារម្មណ៍ថាធុញទ្រាន់ ប្រាកដជាមិនអាចយល់បានឡើយ ព្រោះថាខួរក្បាលរបស់យើងគឺ មិនបានទទួលអ្វីទាំងអស់។ ហេតុនេះ នៅពេលដែលឈឺក្បាលហើយ ចូរកុំអានសៀវភៅអី ត្រូវតែរកបរិយាកាសដែលល្អ ដើម្បីបន្ធូរអារម្មណ៍ដែលតានតឹងមកជាធូរស្រាលឡើងវិញ។ ៣. ប្រមូលអារម្មណ៍ ប្រសិនបើអារម្មណ៍មិនមូល មិននៅក្នុងខ្លួនទេ ទោះបីជាអានយឺត ឬលឿនក៏ដោយ នៅតែមិនអាចយល់ដដែលហ្នឹង ព្រោះថាយើងចេះតែអានៗ តែមិនដឹងជាអានអ្វី? ដោយហេតុគ្មានអារម្មណ៍នៅជាមួយនឹងសៀវភៅសោះ។ ដូច្នេះបើចង់អានឱ្យយល់ […]

Continue Reading

ផ្នត់គំនិតទាំង ៥ យ៉ាងដែលធ្វើអ្នកគួរដឹង បើសិនជាចង់ជោគជ័យក្នុងឆាកជីវិត

តើលោកអ្នកធ្លាប់ឆ្លល់ទេ​ថា​មនុស្សដែលជោគជ័យ​ខ្លាំងដូច​លោក​ Bill Gates លោក​ Richard Branson ​ឬក៏លោក​ Muhammad Ali ​ជាដើម​​ទទួលបានជោគជ័យ​ ហើយ​បន្តជោគជ័យ​ទៀតដោយរបៀបណា​? តាម​ពិតទៅ​ មានផ្នត់​គំនិត​អាចរៀនបានចំនួន៥​ដែលមនុស្សជោគជ័យ​យកទៅអនុវត្ត​ហើយធ្វើ​ឱ្យពួកគេ​លេចធ្លោ​ឡើងផុត​ពីមនុស្សទូទៅ​ដែលមិនបាន​ដឹងគន្លឹះអ្វីសោះ​៖ ១/ មនុស្សជោគជ័យស្គាល់ខ្លួនឯង គេស្គាល់​ចំណុច​កម្លាំង​និងចំណុចខ្វះខាត​របស់គេ​។ គេព្រមទទួល​យក​ការពិត​ថាខ្លួនគេជានរណានិង​ប្រើប្រាស់គ្រប់​ធនធាន​ដែលគេមាន​។​ សូមគិត​ទៅដល់​មនុស្សដូច​លោក​ Bill Gates​ ឬលោក​ស្រី ​J.K. Rowling​ គឺគេសុទ្ធតែ​ទទួលស្គាល់បុគ្គលិកលក្ខណៈខ្លួន​ឯងទាំងអស់​។​ គេមិនខំប្រឹងប្រែង​ធ្វើអ្វីដែលគេ​មិនចង់​នោះទេ​។   ២/ មនុស្សជោគជ័យកំណត់គោលដៅស្របតាមបុគ្គលិកលក្ខណៈ ចំណង់ចំណូលចិត្ត សមត្ថភាព និងជំនាញនាញរបស់គេ អ្នកជោគជ័យមិន​ដែលកំណត់​គោលដៅ​ដោយផ្អែក​លើស្ថានភាព​បន្ទាន់ ​អារម្មណ៍​រវើរវាយ​ ឬ​ក៏កាលៈទេសៈ​នោះទេ។​ លោក​ Martin​ Luther​ King​ Jr.​ លោក​ Steve Jobs ​លោក​ Nelson Mandela ​និងបុគ្គល​ជោគជ័យ​ក្នុងប្រវត្តិសាស្រ្តផ្សេងទៀត​សុទ្ធតែ​បានប្រើប្រាស់ជីវិត​តាមលក្ខណៈសម្បត្តិ​ផ្ទាល់ខ្លួន​គេ​ទាំងអស់​ ហើយ​អ្នកខ្លះ​ទៀត​បានវិនិយោគ​យ៉ាងច្រើន​មហិមា​ទៅក្នុងដំណើររបស់​គេមុននឹង​ទទួលបាន​ជោគជ័យ​។   ៣/ ​មនុស្សជោគជ័យ​ដឹងថា​ខ្លួន​គេអាចគ្រប់គ្រង​ស្ថានការ​ក្នុង​ជីវិត​បាន មនុស្សដែលបានកំណត់​គោលដៅជីវិត​ច្បាស់លាស់​ហើយដឹង​ច្បាស់ថា​គេមិនអាចគ្រប់គ្រង​ស្ថានភាព​ក្នុងពិភពលោក​ដែលមករំខានដល់ដំណើរ​ជីវិត​របស់គេទេ​ ប៉ុន្តែគេ​អាចគ្រប់គ្រង​លើរបៀប​ដែលគេប្រតិកម្ម​តប​ទៅនឹង​ឧបសគ្គ​ទាំងនោះបាន។ ​គេថែមទាំងដឹង​ថា​គេអាចគិតទុកជា​មុន​ និងចាត់​វិធានការ​មុន​ពេលដែល​ស្ថានការ​អាក្រក់​ជះឥទ្ធិពល​លើជីវិត​របស់​គេទៅទៀត​។   […]

Continue Reading

វិធីដាំក្រូចឆ្មានិងការដាក់ជីដែលត្រឹមត្រូវ!!

ការដាក់ជីត្រឹមត្រូវវាធ្វើឲ្យក្រូចឆ្មារបស់យើងល្អ ធំលឿនហើយឆាប់បានផល។ ការត្រៀមកន្លែងសំដាំ -មិនថាយើងដាំជាប់និងដីឬរបៀបលូទេយើងត្រូវ ចេះធ្វើជីកំប៉ុសឬជីធម្មជាតិដើម្បីដាំក្រូចឆ្មាជាមុនសិន វិធីដាំ -ក្រោយពីដាក់ដីដែលលាយជាមួយនិងជីធម្មជាតិ រួចហើយយើងត្រូវស្រោចទឹកថ្មាំសំលាប់មេរូគដីជា មុនសិន(មេរូគដីគឺឈឿរ៉ាដែលវាធ្វើឲ្យដើមក្រូចឆ្មា របស់យើងមិនធំដើមក្រឹនស្លឹករួញ.ការបាញ់ថ្នាំ សំលាប់មេរូគដីសំខាន់ណាស់) -រៀបចំប្រព័ន្ធឲ្យទឹកឲ្យបានគ្រប់គ្រាន់គ្រប់រុណ្ដៅ -ពេលយើងចាប់ផ្ដើមក្នុងរយះពេល១ខែដំបូង យើងមិនចាំបាច់ឲ្យជីវាទេ(មូលហេតុព្រោះដីដែលយើង វាបានលាយជីធម្មជាតិរួនហើយ)..យើងគ្រាន់តែ ស្រោចទឹកវា២ដងក្នុង១ថ្ងៃ.។ ពេលដាក់កូនដាំយើងគួយកឈើដោតហើយចងដើម វាឲ្យនែនល្មមរួចយកអ្វីក៏បានមកចងបាំងកំដៅថ្ងៃ ផង…. -ការដាក់ជីក្នុងរយះខែទី.២.៣.៤.យើងគួដាក់ជី លេខ.១៦.៨.៨.ដើម្បីជំនួយដើម.ការដាក់ជីយើង គួធ្វើចន្លោះគ្នារល់.២០ថ្ងៃទៅ២៥ថ្ងៃម្ដង បរិមាណឲ្យជី.គឺជី១ក្ដាប់ដៃលាយទឹក៤ផ្តិលស្រោច ដើមក្រូចឆ្មា៤ដើម…. -ការដាក់ជីក្នុងខែទី.៥.៦.ប្រើជី.១៦.៨.៨ដ៏ដែល បរិមាណឲ្យជី ជី១ក្ដាប់ដៃលាយទឹក២ផ្តិលស្រោចក្រូចឆ្មា២ដើម -ការដាក់ជីក្នុងខែ៧តរទៅយើងដាក់ជីលេខ ១៦.៨.៨.បរិមាណឲ្យជី.ជី១ក្ដាប់ដៃលាយទឹក១ផ្តិល ប្រើស្រោចដើមក្រូចឆ្មា១ដើម… -ក្រោពីក្រូចឆ្មាយើងចាប់ផ្ដើចេញផ្កាចេញក្ដិប នៅក្នុងខែ៩ដល់ចុងខែ១០យើងត្រូវជីលេខ ១៥.១៥.១៥ .ដើម្បីជំនួយឲ្យវាជាប់ផ្កាជាប់ផ្លែច្រើន បរិមាណប្រើជី១ក្ដាប់ដៃលាយទឹក១ផកតិល ប្រើស្រោចដើមក្រូឆ្មា១ដើម។.យើងប្រើជីលេខ ១៥.១៥.១៥.នេះរហូតដល់ចុងខែ១ទើបឈប់ឲ្យ បញ្ជាក់ការស្រោចជី.មុនពេលយើងស្រោច ជីយើងត្រូវស្រោចទឹកគាល់វាឲ្យជោគជាមុនសិន រួចហើយស្រោចជីតាមក្រោយ.ការស្រោចជីគួស្រោច ឲ្យឆ្ងាយពីគាល់ក្រូចឆ្មាប្រហែល២តឹក(ការស្រោច បែបនេះវាធ្វើឲ្យឬសក្រូចឆ្មាយើងដុះបានឆ្ងាយ ធុននិងជម្ងឺមិនងាយងាប់។ សូមចុចមើលវីដេអូ៖ ប្រភព៖ ផេក អ៊ាង សុផល្លែត Sophalleth បច្ចេកទេសដាំខ្ញីក្នុងការុង កន្លងមកវេបសាយយើងខ្ញុំបានផូសពីរបៀបដាំស្ពៃក្តោបក្នុងបាវស៊ីម៉ង់ត៍ ។ ឥឡូវយើងមានវិធីសាស្រ្តថ្មីមួយទៀតហើយ វីធីនេះ ទទួលបានផលលឿននិងស្រួលថែទាំ […]

Continue Reading

វិធីសាស្ត្រ ៥ យ៉ាង ដែលធ្វើឲ្យសត្វល្អិតចង្រៃលែងហ៊ានជាន់ផ្ទះអ្នកបន្តទៀត

កន្លាត រុយ ស្រមោច ឬ សង្កើច ជាដើមត្រូវបានមនុស្សចាត់ទុកជាសត្វល្អិតចង្រៃ ដោយសារតែវាបានរំខានការរស់នៅរបស់មនុស្ស ។ ដោយសារតែហេតុនេះមនុស្សជាច្រើនតែងតែស្វះស្វែងរកវិធីសាស្ត្រផ្សេងៗដើម្បីកម្ចាត់សត្វល្អិតចង្រៃទាំងនោះចេញពីផ្ទះរបស់ខ្លួន ។ ហើយនេះគឺជាវីធីសាស្ត្រទាំង ៦ ដែលអ្នកគួរតែសាកល្បង ៖ ១ វិធីកម្ចាត់កន្លាត នៅពេលយប់ឡើង កន្លាត នឹងចេញមករកចំណី និងទឹក ដែលធ្វើចាន កែវ និងរបស់ប្រើប្រាស់ផ្សេង ជាពិសេសអាហារ ដែលយើងបរិភោគ ក្លាយជាកខ្វក់ ដោយសារតែមេរោគ និង របស់ស្មោគគ្រោកនានាដែលជាប់ខ្លួន និងជើងរបស់វា ពេលខ្លះវាក៏បានស៉ីនូវអាហារនានាដែលយើងរក្សាទុកផងដែរ ។ ដូចនេះដើម្បីកម្ចាត់វាអ្នកត្រូវតែបង្កើតអន្ទាក់ មួយដូចរូបខាងក្រោម នៅពេលដែលវាចេញមករកចំណី និងទឹក វានឹងត្រូវធ្លាក់ចូលទៅក្នុងអន្ទាក់របស់អ្នកដោយមិនអាចងើបចេញរួចឡើយ សាកល្បងបង្កើតអន្ទាកងាយៗមួយនេះ ហើយដាក់វានៅកន្លែងដែលឧស្សាហ៍មានកន្លាត ត្រឹមតែ មួយរយៈអ្នកនឹងឃើញលទ្ធផលជាក់ជាមិនខាន ។ ២ វិធីកម្ចាត់រុយ រុយជាសត្វល្អិតដែលស្អប់ក្លិនផ្កាឡាវែនឌឺខ្លាំងណាស់ ហេតុផលមួយនេះបូកនឹងក្លិតដ៏ក្រអូបរបស់វាធ្វើឲ្យក្រុមហ៊ុនផលិតថ្នាំសម្លាប់សត្វល្អិតមួយចំនួនបានប្រើប្រាស់ក្លិនផ្កានេះនៅក្នុងថ្នាំសម្លាប់ល្អិតរបស់ខ្លួន ។ ហើយអ្នកក៏អាចប្រើប្រាស់ក្លិនផ្កាឡាវែនឌឺដើម្បីកម្ចាត់រុយដោយខ្លួនឯងបានផងដែរ វិធីសាស្ត្រគឺគ្រាន់តែយកអេប៉ុង ទៅជ្រលក់ ទៅក្នុងប្រេងផ្កាឡាវែនឌឺ ហើយដាក់វានៅទីតាំងមួយដែលមានរុយច្រើនជាការស្រេច ។ ៣ វិធីកម្ចាត់ស្រមោច លាយទឹកអាកុលមួយស្លាបព្រាកាហ្វេ ជាមួយនឹងសាប៊ូទឹកលាងចានមួយស្លាបព្រាកាហ្វេ […]

Continue Reading