គួរតែអនុវត្ត​វិធីទាំង ៣ យ៉ាងនេះ​ បើសិនជាអ្នកចង់ធ្វើ​អោយសុបិនរបស់អ្នក​ក្លាយជាការពិត

យើងទាំងអស់គ្នាសុទ្ធតែធ្លាប់ឮរឿងរ៉ាវរបស់បុគ្គលល្បីៗដែលបានបង្កើតក្រុមហ៊ុនធំៗនិងឈរជើងបានយូរក្នុងប្រវត្តិសាស្រ្ត។ រឿងខ្លះហាក់ដូចជាធំពេកហួសវិស័យមនុស្សធម្មតាដែលអាចយកមកអនុវត្តតាមបាន។ ប៉ុន្តែគ្រប់រឿងរ៉ាវជោគជ័យទាំងអស់សុទ្ធតែមានចំណុចដូចគ្នាគឺមានមនុស្សចាប់ផ្តើមធ្វើការដើម្បីសម្រេចសុបិន ឬគោលដៅរបស់គេ មុនពេលគេដឹងថាទៅគេទៅណាឱ្យពិតប្រាកដ។ គ្មានផែនការពាណិជ្ជកម្ម គ្មានវិនិយោគិន ហើយក៏គ្មានការសិក្សាទីផ្សារអ្វីដែរ។ នៅក្នុងពិភពលោកសព្វថ្ងៃនេះ មនុស្សគ្រប់គ្នាអាចក្លាយជាសហគ្រិន។ ប្រសិនបើអ្នកគិតថាពាក្យសហគ្រិនដូចជាមិនសមនឹងអ្នក អ្នកគិតខុសហើយ។ មនុស្សយើងទាំងអស់គ្នាសុទ្ធតែមានសមត្ថភាពអាចបត់បែនបានតាមរយៈការរៀនជំនាញថ្មីៗដែលចាំបាច់។ ហើយនេះជារឿងសំខាន់ដែលអ្នកត្រូវចាប់ផ្តើមធ្វើមុនគេដើម្បីបង្កើតទំនុកចិត្ត និងបង្កើតផ្នត់គំនិតសហគ្រិន៖   ១/ កំណត់ឱ្យដឹងច្បាស់ថាអ្នកខ្លាចអ្វីជាងគេ នៅពេលអ្នកមានសុបិនផុសឡើងក្នុងចិត្ត តើអ្នកធ្លាប់និយាយក្នុងចិត្តតែម្នាក់ឯងអំពីចំណុចអវិជ្ជមានរបស់ខ្លួនឯងទេ? កំណត់ឱ្យដឹងច្បាស់រឿងរ៉ាវអវិជ្ជមានដែលអ្នកនិយាយប្រាប់ខ្លួនឯង រួចកែប្រែសាច់រឿងដែលធ្វើឱ្យអ្នកភ័យខ្លាចនោះចេញ។ វាគ្រាន់តែជារឿងដែលអ្នកប្រឌិតឡើងប៉ុណ្ណោះ មិនមែនជាការពិតទេ។   ២/ ផ្តោតចិត្តលើគំនិតវិជ្ជមាន ចាប់ផ្តើមមើលវីដេអូដែលលើកទឹកចិត្ត និងអានសៀវភៅផ្តល់កម្លាំងចិត្ត និងរាប់អានតែជាមួយមនុស្សដែលនិយាយនិងគិតរឿងវិជ្ជមានក្នុងជីវិត។ ការផ្ស៊ាំខ្លួនទៅនឹងបរិស្ថានពោពេញដោយភាពវិជ្ជមានធ្វើឱ្យចិត្តរបស់អ្នកមានភាពរឹងប៉ឹង និងមានសមត្ថភាពបង្កើតភាពក្លាហានដើម្បីចាប់ផ្តើមសម្រេចសុបិន។   ៣/ គិតរឿងតូចតាចដែលអ្នកអាចចាប់ផ្តើមដំណើរទៅរកសុបិន កិច្ចការតូចតាចមានច្រើនរូបភាពសម្រាប់មនុស្សផ្សេងគ្នា។ កិច្ចការតូចតាចសម្រាប់អ្នកខ្លះអាចជាការកាត់បន្ថយពេលវេលាធ្វើការឱ្យគេខ្លះ ដើម្បីទៅបង្កើតពេលវេលាកាន់តែច្រើនសម្រាប់ខ្លួនឯង។ អ្នកខ្លះទៀតអាចឆ្លៀតធ្វើការបន្ថែមសម្រាប់ខ្លួនឯងនៅពេលយប់ជ្រៅ ឬធ្វើការនៅពេលសម្រាកទទួលទានអាហារថ្ងៃត្រង់។ សរុបមក ដល់ពេលដែលអ្នកត្រូវឈប់រៀបចំផែនការណ៍ ហើយចាប់ផ្តើមដើរឆ្ពោះទៅរកសុបិនរបស់អ្នក។ ប្រភព​៖ Success Magazine

Continue Reading

របៀបដែលមនុស្សឆ្លាតគួរធ្វើ ក្នុងការដោយស្រាយបញ្ហាជាមួយមនុស្សពិបាក

ការសិក្សាបានបង្ហាញថាភាពតានតឹងខាងអារម្មណ៍មានឥទ្ធិពលអវិជ្ជមានលើខួរក្បាលដែលជាកន្លែងទទួលខុសត្រូវសម្រាប់ការវិភាគហេតុផលនិងការចងចាំ។ នៅពេលដែលភាពតានតឹងឡើងដល់កម្រិតមួយដែលគ្រប់គ្រងលែងបាន ខួរក្បាលនិងសមត្ថភាពបំពេញការងាររបស់អ្នកក៏កាន់តែចុះខ្សោយ។ មានមូលហេតុច្រើនដែលបណ្តាលឱ្យមនុស្សកើតអារម្មណ៍តានតឹង ហើយការធ្វើការជាមួយមនុស្សមិនសូវចេះពិចារណាហេតុផលក៏ជាប្រភពសំខាន់មួយមួយដែរនៃអារម្មណ៍តានតឹង។ តើមនុស្សឆ្លាតធ្វើការយ៉ាងណាជាមួយមនុស្សដែលចូលចិត្តបង្កភាពតានតឹងឱ្យគេ?     ១/ គេកំណត់ព្រំដែន អ្នកដែលចូលចិត្តរអ៊ូរទាំនិងមនុស្សគិតតែអវិជ្ជមានជាដំណឹងអាក្រក់ព្រោះគេលិចលង់ក្នុងបញ្ហារបស់គេនិងមើលឃើញដំណោះស្រាយអ្វីឡើយ។ មនុស្សយើងមានអារម្មណ៍រងសម្ពាធនៅពេលស្តាប់ការរអ៊ូរទាំរបស់អ្នកដទៃ ហើយជាលទ្ធផល អ្នកស្តាប់ក៏នឹងកើតអារម្មណ៍តានតឹងប្រសិនបើគេមិនចេះវិធីការពារខ្លួន។ អ្នកអាចការពារខ្លួនបានតាមរយៈការកំណត់ព្រំដែន ឬគម្លាត។ សូមគិតរបៀបនេះ​៖ ប្រសិនបើអ្នករអ៊ូរទាំនោះជក់បារី តើអ្នកព្រមអង្គុយស្រូបផ្សែងបារីពីគេរហូតទេ? វិធីល្អបំផុតដើម្បីកំណត់ព្រំដែនគឺត្រូវសួរអ្នករអ៊ូរទាំនោះអំពីរបៀបដែលគេដោះស្រាយបញ្ហា។   ២/ គេធ្វើខ្លួនឱ្យខ្ពស់ផុត មនុស្សពូកែរអ៊ូអាចធ្វើឱ្យអ្នកជិតខាងឡប់សតិព្រោះឥរិយាបថរបស់គេគ្មានហេតុផលទេ។ ដូច្នេះហេតុអ្វីបានជាអ្នកបណ្តោយឱ្យអារម្មណ៍ឆ្លើយតបទៅនឹងរឿងគ្មានហេតុផលបែបនោះ? ឈប់ចង់យកឈ្នះមនុស្សរបៀបនេះក្នុងល្បែងរបស់គេ ព្រោះអ្នកមិនអាចឈ្នះបានឡើយ។ ហើយអ្នកមិនឆ្លើយតបទៅនឹងអារម្មណ៍ជ្រួលច្រាលគ្មានហេតុផលនោះទេ ឆ្លើយតបត្រឹមតែការពិតប៉ុណ្ណោះ។   ៣/ គេស្គាល់អារម្មណ៍ខ្លួនឯងច្បាស់ ដើម្បីរក្សាគម្លាតអារម្មណ៍ពីមនុស្សគ្មានហេតុផលគេត្រូវមានការដឹងខ្លួនគ្រប់ពេល។ អ្នកមិនអាចបញ្ឈប់នរណាម្នាក់ពីការចុចបើកអារម្មណ៍វិជ្ជមាន ឬអវិជ្ជមានបានទេប្រសិនបើអ្នកមិនស្គាល់អារម្មណ៍ទាំងនោះនៅពេលវាកំពុងតែកើតឡើង។ សូមគិតរបៀបនេះ ប្រសិនបើមានមនុស្សមិនគ្រប់សតិមកក្បែរអ្នកហើយប្រាប់ថាគេជាមនុស្សអស្ចារ្យ អ្នកមិនអាចកែប្រែគេបានភ្លាមទេ។ អ្វីដែលអ្នកត្រូវធ្វើគឺរក្សាគម្លាតពីគេ ហើយបណ្តោយឱ្យគេទៅតាមដំណើររបស់គេចុះ។   ៤/ គេមិនផ្តោតលើបញ្ហាទេ គេផ្តោតតែលើដំណោះស្រាយ ចំណុចដែលអ្នកផ្តោតអារម្មណ៍គឺជាកត្តាសម្រេចស្ថានភាពនៃអារម្មណ៍របស់អ្នក។ នៅពេលអ្នកផ្តោតអារម្មណ៍លើបញ្ហាដែលកំពុងតែប្រឈម អ្នកបង្កើតនិងពង្រីកអារម្មណ៍អវិជ្ជមាននិងភាពតានតឹងផ្លូវចិត្ត។ នៅពេលអ្នកផ្តោតលើសកម្មភាពដើម្បីធ្វើឱ្យខ្លួនឯងនិងស្ថានភាពប្រសើរឡើង អ្នកបង្កើតឥទ្ធិពលដែលទាក់ទាញអារម្មណ៍វិជ្ជមាននិងកាត់បន្ថយភាពតានតឹងផ្លូវចិត្ត។   ៥/ គេមិនងាយភ្លេច មនុស្សដែលមានភាពវៃឆ្លាតក្នុងការគ្រប់គ្រងអារម្មណ៍ងាយនឹងអត់អោនឱ្យអ្នកដទៃណាស់ ប៉ុន្តែមិនមែនមានន័យថាគេជាមនុស្សឆាប់ភ្លេចនោះទេ។ ការអត់អោនតម្រូវឱ្យមាន​ការលែងប្រកាន់ខ្ជាប់ចំពោះអ្វីៗដែលបានកើតឡើងដើម្បីបន្តដំណើរទៅមុខទៀត។ […]

Continue Reading

ការពិតទាំង ៦ យ៉ាងដែលអាចធ្វើអោយអ្នកមានក្ដីសុខក្នុងជីវិត បើសិនជាអ្នកយល់ច្បាស់ពីវា

សុភមង្គលកើតចេញពីគ្រប់ទិដ្ឋភាពនៃជីវិត តាំងពីការងាររហូតដល់សុខភាពនិងមិត្តភាព។ ទោះបីជាមនុស្សគ្រប់គ្នាចង់បានសុភមង្គលក្នុងជីវិត ក៏ពីកន្លែងមួយទៅកន្លែងមួយការឱ្យនិយមន័យលើពាក្យមួយម៉ាត់នេះមានលក្ខណៈមិនដូចគ្នាទេ។ របាយការណ៍ស្តីពីសុភមង្គលជុំវិញពិភពលោកដែលរៀបចំឡើងដោយអង្គការសហប្រជាជាតិបានចាត់ចំណាត់ថ្នាក់ប្រទេសចំនួន១៥៥ និងប្រើប្រាស់គន្លឹះ៦គឺប្រាក់ចំណូល ការរំពឹងអំពីជីវិតដែលមានសុខភាព ការគាំទ្រពីសង្គម ចិត្តល្អក្នុងការចែករំលែក សេរីភាព និងការទុកចិត្ត។ ឆ្នាំនេះប្រទេសនៅតំបន់អឺរ៉ុបបានស្ថិតនៅក្នុងលំដាប់លើគេ ក្នុងនោះមានប្រទេសណ័រវេស ដាណឺម៉ាក និងស្វីសជាដើម។     ការរកឃើញខាងក្រោមនេះជាមូលហេតុនៅពីក្រោយការប្រែប្រួលនៃកម្រិតសុភមង្គលក្នុងតំបន់ខុសៗគ្នា​៖ ១/ មានការងារធ្វើដោយខ្លួនឯង ធ្វើការដោយខ្លួនឯងមានទាំងចំណុចវិជ្ជមាននិងអវិជ្ជមាន។ នៅក្នុងប្រទេសរីកចម្រើនខ្ពស់ មនុស្សដែលមានការងារធ្វើដោយខ្លួនឯងមានការពេញចិត្តនឹងជីវិតជាងមនុស្សដែលធ្វើការឱ្យគេ។ ប៉ុន្តែគេក៏ប្រឈមច្រើនទៅនឹងបទពិសោធន៍នៃអារម្មណ៍អវិជ្ជមានដូចជាភាពធុញថប់ និងក្តីបារម្ភដែរ។   ២/ មនុស្សសប្បាយចិត្តច្រើននៅពេលធ្វើការ ជនជាតិអាមេរិកភាគច្រើនមានអារម្មណ៍សប្បាយចិត្តខ្លាំងនៅពេលចុងសប្តាហ៍ ប៉ុន្តែសុភមង្គលនៅចុងសប្តាហ៍នេះក៏រលាយបាត់ទៅវិញនៅពេលមនុស្សធ្វើការក្នុងបរិស្ថានការងារដែលមានទំនុកចិត្តខ្ពស់ គឺកន្លែងដែលគេគិតថាប្រធានរបស់គេមិនមែនជាមនុស្សនៅថ្នាក់លើតែជាដៃគូការងារ ហើយការងាររបស់គេមានចំណែកចូលរួមក្នុងកិច្ចការសង្គម។   ៣/ សុខភាពផ្លូវចិត្តជាអាទិភាពចម្បងបំផុត ក្រុមអ្នកជំនាញបានស្រាវជ្រាវក្នុងសហរដ្ឋអាមេរិក អូស្រ្តាលី អង់គ្លេស និងឥណ្ឌូនេស៊ី ដើម្បីរកមើលគន្លឹះនៃជីវិតគ្មានសុភមង្គលនិងទុក្ខវេទនាក្នុងជីវិត។ ជាលទ្ធផលគេរកឃើញថា ការទទួលបានការវិភាគជំងឺផ្លូវចិត្តចូលរូមវិភាគទានច្រើនទៅក្នុងសុភមង្គលរបស់មនុស្សជាជាងប្រាក់ចំណូលទៅទៀត។ ក្នុងពេលដែលមានកិច្ចប្រឹងប្រែងដើម្បីលុបបំបាត់ភាពក្រីក្រ និងកាត់បន្ថយភាពគ្មានការងារធ្វើជារឿងចាំបាច់ គេក៏រកឃើញថាមធ្យោបាយដ៏មានឥទ្ធិពលបំផុតដើម្បីកាត់បន្ថយទុក្ខវេទនាក្នុងពិភពលោកនេះគឺការលុបបំបាត់សម្ពាត់ក្នុងអារម្មណ៍ និងធ្វើយ៉ាងណាឱ្យមានសុខភាពផ្លូវចិត្ត។   ៤/ គ្រួសារ កុមារភាព និងការរៀនសូត្រនៅសាលាមានឥទ្ធិពលលើសុភមង្គលក្នុងជីវិត សម្រាប់មនុស្សពេញវ័យ កម្រិតសុភមង្គលរបស់គេរងឥទ្ធិពលច្រើនពីស្ថានភាពសេដ្ឋកិច្ច ឋានៈសង្គម និងសុខភាពក្នុងពេលបច្ចុប្បន្ននេះ។ […]

Continue Reading

​ការពិតទាំង ៣ យ៉ាងដែលអ្នកត្រូវទទួលស្គាល់ បើសិនជាអ្នកចង់អោយជីវិត​រស់នៅរបស់អ្នកកាន់តែ​មានន័យ

ការផ្លាស់ប្តូរនិងការអភិវឌ្ឍក្នុងផ្នែកណាមួយនៃជីវិតមិនអាចទៅរួចទេបើគ្មានការផ្លាស់ប្តូរជំនឿ។ បើអ្នកផ្លាស់ប្តូរជំនឿ អ្នកនឹងផ្លាស់ប្តូរការពិតរបស់អ្នក ហើយបើអ្នកប្រកាន់ជំនឿមុតមាំតែម្យ៉ាង ជីវិតរបស់អ្នកនឹងនៅតែដដែល។ នេះជាជំនឿសំខាន់បំផុតទាំង៣ដែលអាចផ្លាស់ប្តូរជីវិតរបស់អ្នក​៖ ១/ របៀបដែលមនុស្សជុំវិញអ្នកប្រព្រឹត្តិគឺជាការឆ្លុះបញ្ចាំងពីអ្នក សូមពិចារណាទិដ្ឋភាពមួយនេះ៖ គ្រួសាររបស់អ្នកហាក់ដូចជាមានអារម្មណ៍មិនល្អគ្រប់ពេល។ ជំនួសឱ្យការគិតថានេះជាកំហុសរបស់ដៃគូជីវិតអ្នក អ្នកត្រូវទទួលស្គាល់ថាអ្នកមិនទាន់មានភាពម្ចាស់ការពេញលេញលើទំនាក់ទំនងនេះទេ ហើយអ្នកក៏មិនទាន់បានបង្ហាញខ្លួនអ្នកឱ្យបានល្អបំផុតដល់ដៃគូជីវិតអ្នកស្គាល់ដែរ។ បើក្រុមហ៊ុនរបស់អ្នកមិនមានវប្បធម៌ដែលអ្នកត្រូវការ ហើយបើបុគ្គលិករបស់អ្នកមិនយកចិត្តទុកដាក់ក្នុងការងារដូចអ្វីដែលអ្នកចង់បាន តើវាជាកំហុសរបស់គេ ឬជាការឆ្លុះបញ្ចាំងពីកង្វះខាតរបស់អ្នកដឹកនាំ?   ២/ របៀបដែលយើងមើលពិភពលោកនេះប្រាប់ច្រើនអំពីខ្លួនអ្នក ក្នុងនាមជាមនុស្សជាតិ យើងចូលចិត្តវាយតម្លៃមនុស្សដទៃនិងវត្ថុនៅជុំវិញខ្លួនណាស់។ ឧទាហរណ៍ មនុស្សនោះក្រអើតក្រទមណាស់ ទង្វើនេះភ្លីភ្លឺណាស់…។ ប៉ុន្តែ តើការវាយតម្លៃទាំងអស់នេះមិនមែននិយាយអំពីខ្លួនអ្នកទេឬអ្វី? ពិភពលោកនេះមានរបៀបដែលគួរឱ្យអស់សំណើចណាស់ក្នុងការឆ្លើយតបទៅនឹងការរំពឹងចង់បានរបស់មនុស្ស។ បើយើងរំពឹងចង់ឱ្យអ្នកដទៃធ្វើមិនល្អដាក់យើង គេនឹងធ្វើបានដូចការចង់បាន។ ផ្ទុយទៅវិញ បើយើងរំពឹងចង់ឱ្យគេស្រឡាញ់និងគោរព ពិភពលោកនេះនឹងផ្សំផ្គុំឱ្យបានដូចចិត្តអ្នក។   ៣/ រឿងដែលយើងស្អប់គឺជាការឆ្លុះបញ្ចាំងអំពីកង្វះខាតក្នុងខ្លួនយើង សូមគិតដល់មនុស្សដែលអ្នកស្អប់ ឬចរិតមិនល្អរបស់នរណាម្នាក់ដែលអ្នកមិនចូលចិត្ត។ សូមគិតឱ្យជ្រៅ។ តើការស្អប់នេះបង្ហាញអ្វីខ្លះអំពីអ្នក? ប្រហែលជាអ្នកស្ពប់មនុស្សធ្វើការជាមួយដែលចូលចិត្តចេញពីធ្វើការនៅម៉ោង៥ ដើម្បីទៅមើលកូននិងទទួលទានអាហារជាមួយគ្រួសារគេ។ អ្នកប្រហែលគិតថាមនុស្សម្នាក់នេះធ្វើការយកតែរួចខ្លួន​ ឯខ្លួនខ្ញុំវិញនៅដល់ម៉ោង៨រាល់យប់។ គេជាមនុស្សអាក្រក់ក្នុងក្រុមហ៊ុននេះដែលគួរតែបណ្តេញចេញ។ តើនេះជាអ្វីដែលអ្នករអ៊ូរក្នុងចិត្តមែនទេ? តាមពិតមិនមែនរឿងរបស់អ្នកធ្វើការជាមួយទេដែលធ្វើឱ្យអ្នកស្អប់ គឺរឿងដែលអ្នកមិនអាចធ្វើបានដូចគេទៅវិញទេដែលអ្នកស្អប់។ ប្រភព​៖ Success Magazine

Continue Reading

៣ ចំណុច​ដែលអាច​ជំរុញ​ចិត្ត​ឲ្យ​ក្លាយ​ជា​សហគ្រិន​ទោះ​គ្មាន​បទពិសោធន៍​ក៏ដោយ

ដើម្បី​ក្លាយ​ខ្លួន​ទៅ​ជា​សហគ្រិន​ម្នាក់​មិន​ចាំ​បាច់​ថា ​អ្នក​ត្រូវ​មាន​ជំនាញ​មួយ​ខ្លាំង ​​​បទ​ពិសោធន៍​ក្រាស់ក្រែល​​ ​ឬ​អាយុ​ច្រើន​នោះ​ទេ។ ​អ្នក​អាច​ចាប់​ផ្ដើម​ពី​គ្រប់​កន្លែង​ ​​​គ្រប់​វ័យ ​និង​​គ្រប់​ពេល​វេលា ​​អ្វី​ដែល​សំខាន់​នោះ​គឺ​អ្នក​ចង់​​​បង្កើត​អ្វី ​ហើយ​​ចង់​ធ្វើ​វា​កម្រិត​ណា។ ​​​ចំណុច​ខាងក្រោម​អាច​ជំរុញ​ចិត្ត​​ និង​តម្រង់​ទិស​អ្នក​ថា ​​មិន​ចាំ​បាច់​មាន​អ្វី​ក៏​អ្នក​អាច​ចាប់​ផ្ដើម​បាន​ដែរ។ ១៖​​​​នៅ​ក្មេង​ ហើយ​គ្មាន​បទ​ពិសោធន៍​​អត់​បញ្ហា គ្មាន​បទ​ពិសោធន៍​មិន​ត្រឹម​តែ​មិន​មែន​ជា​ឧបសគ្គ​ទេ ​តែ​ពេល​ខ្លះ​វា​អាច​ជា​គុណសម្បត្តិ​ទៅ​វិញ។ ​​​មិន​ដឹង​ពី​អ្វី​ដែល​ខ្លួន​កំពុង​ធ្វើ​មាន​ន័យ​ថា ​អ្នក​មិន​ដឹង​ពី​អ្វី​ដែល​អ្នក​ដទៃ​កំពុង​ធ្វើ​លើ​​រឿង​នេះ​​​ដូចគ្នា។ ​​​ពេល​ខ្លះ​ការ​មិន​ដឹង​នេះ​ ធ្វើ​ឲ្យ​អ្នក​បង្កើត​គំនិត​ថ្មី​ប្លែក​​ដែល​មិន​ធ្លាប់​មាន​នរណា​នឹក​ដល់។ ​​​​ដូច​ករណី​ អ្នក​នាង​ Sara Blakely ​​​ជា​ស្ថាបនិក ​និង​ម្ចាស់​ក្រុមហ៊ុន​ Spanx ​បាន​ចែក​រំលែក​ក្នុង​​កម្មវិធី​ Global Showcase ​ថា ​​​ដើម្បី​បង្កើត​មុខ​ជំនួញ​របស់​នាង​ឡើង ​នាង​ព្យាយាម​គិត​ថា ​​តើ​នាង​​អាច​ធ្វើ​កិច្ចការ​នីមួយៗ​យ៉ាង​ម៉េច​បើ​សិន​ជា​​នាង​មិន​ដឹង​អ្វី​ទាំង​អស់។ ​​​​វិធីសាស្ត្រ​នេះ​ ​​បាន​បង្កើត​នូវ​ការ​គិត​ថ្មី​​ ដែល​អាច​ជា​ហេតុផល​មួយ​ឲ្យ​អ្នក​​បង្កើត​​​ជំនួញ​មួយ​ដោយ​មាន​គំនិត​​ល្អៗ​​យក​មក​បញ្ចូល​ជា​​ជាង​​​អង្គុយ​រង់ចាំ​ឱកាស​មក​ដល់។ ២៖ ​ចូលរួម​ការងារ​សហគមន៍ ​​​ដើម្បី​ជំរុញ​ចិត្ត​​ និង​ទទួល​យក​ថាមពល​ផ្លូវ​ចិត្ត​​លើ​ភាព​ជា​សហគ្រិន​  ​​ ​​មិន​ចាំ​បាច់​ទាល់​តែ​ចូលរួម​សិក្ខាសាលា​ធំ​ៗ​និយាយ​ពី​សហគ្រិន​ទេ។ ​​អ្នក​អាច​ទាក់ទង​​អ្នក​ដែល​កំពុង​ធ្វើ​ជា​សហគ្រិន ​ព្យាយាម​ស្វែង​យល់​ ហើយ​អង្កេត​មើល​ថា ​​តើ​ពួកគេ​បញ្ជ្រាប​គំនិត​ទៅ​ក្នុង​គម្រោង​អាជីវកម្ម​ដូចម្ដេច​ ហើយ​បន្ទាប់មក​​រៀន​ពី​​ចំណុច​ទាំង​នោះ។ ​មនុស្ស​ប្លែកៗ​ដែល​អ្នក​ជួប​នៅ​ក្នុង​សង្គម​​អាច​នឹង​​ក្លាយ​​​​ជា​គ្រូ​ដើម ​​អ្នក​ផ្ដល់​ប្រឹក្សា ​​ឬ​ក៏​ជា​អ្នក​វិនិយោគ​ក៏​ថា​បាន។ ​​​តែ​ដើម្បី​បង្កើត​​ឱកាស​​​ឲ្យ​ខ្លួន​ឯង​​គឺ​អ្នក​ផ្ទាល់​ត្រូវ​ចូលរួម​សង្គម ​ត្រូវ​ទៅ​ស្គាល់​ពួកគេ​មុន ​ព្រោះ​ពួកគេ​ទាំង​នោះ​​មិន​មក​រក​អ្នក​មុន​ឡើយ។ ៣៖ […]

Continue Reading

រឿងអត់ប្រយោជន៍ទំាង៦ យ៉ាង​ដែល​អ្នក​មិន​គួរ​ឲ្យ​មាន​ក្នុង​ជីវិត

ការ​ពិត​ទៅ​ជីវិត​នេះ​ស្រស់​ស្អាត ឬអាប់អួរ​គឺ​អាស្រ័យ​ទៅ​លើ​មនុស្ស​ម្នាក់ៗ​ទេ បើ​អ្នក​មាន​ទម្លាប់ មាន​ការគិត​ល្អ​នោះ​ជីវិត​ក៏​ល្អទៅ​តាម​នោះ​ដែរ។ ផ្ទុយ​ទៅ​វិញ​បើ​អ្នក​ចូលចិត្ត​គិត​អី​អាក្រក់ៗ ខ្ជះខ្ជាយ​ពេលវេលា​លើ​រឿង​មិន​បាន​ការ​នោះ ជីវិត​អ្នក​ក៏​មិន​ស្រស់​ថ្លា មិន​សប្បាយ​ចិត្ត​ដូច​គេ​ដែរ ៖ ១. និយាយ​អាក្រក់ពី​គេ គួរ​តែ​យក​ពេល​និយាយ​ពី​គេ​នោះ​មក​​គេង​ឲ្យ​ស្កប់ស្កល់​វិញ​ល្អ​ជាង ព្រោះ​ការ​ដែល​និយាយដើម​គេ​គឺ​ជា​រឿង​ដែល​គេ​ស្អប់​បំផុត។ វាជា​រឿង​ដែល​អត់​ប្រយោជន៍​ទាល់​តែ​សោះ ហើយ​វា​ធ្វើ​ឲ្យ​យើង​កើត​ជា​ទម្លាប់​មិន​ល្អ ព្រោះ​អ្នក​ដែល​និយាយ​ពី​គេ​គឺ​មាន​ន័យ​ថា​ចង់​ឲ្យ​ខ្លួន​ឯង​ល្អ។ មួយ​ថ្ងៃៗ​ខំ​រក​រឿង ខំ​និយាយ​ពីនេះពី​នោះ​មិន​ឈប់​ បែប​នេះ​អ្នក​ដូច​ជា​ខ្ជះខ្ជាយ​ពេល​វេលាពេក​ហើយ។ ២. គិត​​នោះ​គិត តែ​មិន​ដែល​ធ្វើ មួយ​ថ្ងៃៗ​ដេក​គិត​ ដេក​គូរ​ណាស់ តែ​មិន​ដែល​បាន​ធ្វើ​អី​ទេ។ មនុស្ស​បែប​នេះ​គឺ​មិន​អាច​សម្រេច​ក្ដី​ប្រាថ្នា​ខ្លួន​ឡើយ​ ព្រោះ​មាន​តែ​ក្ដី​ស្រមៃ​តែ​ខ្វះ​ការ​ព្យាយាម​ ការ​អនុវត្ត។ បើ​ជ្រុល​ជា​គិតហើយ​អ្ន​ក​គួរ​តែ​ធ្វើ​ព្រោះ​បើ​មិន​ធ្វើ​ផង​ គិត​នាំ​ឈឺក្បាល នាំ​ពិបាក​ចិត្ត​ធ្វើ​អី។ ៣. ប្រៀបធៀប​ខ្លួន​ឯង​ទៅ​អ្នក​ដទៃ ឃើញ​គេ​ល្អ​ជាង​ក៏​ដេក​កើត​ទុក​ថា​ហេតុអី​ខ្លួន​មិន​ល្អ​ដូច​គេ ប៉ុន្តែ​មិន​ដែល​គិត​ថា​ខ្លួន​គួរ​ធ្វើ​ម៉េច​ឲ្យ​ល្អ​ដូច​គេ​ទេ។ អ្នក​មិន​គួរ​យក​ជីវិត​ខ្លួន​ឯង​ទៅ​ធៀប​នឹង​អ្នក​ដទៃ​ទេ ព្រោះ​មនុស្ស​ម្នាក់​ៗ​មាន​វាសនា​ផ្ទាល់​ខ្លួន និងចំណុច​ល្អ​រៀង​ៗ​ខ្លួន ដូច្នេះ​ហើយ​គួរ​តែ​ស្រឡាញ់​អ្វី​ដែល​យើង​មាន។ ៤.រង់​ចាំ​មនុស្ស​ម្នាក់​ដែល​មិន​អាច​នឹង​លេច​ឡើង ពេល​វេលា​សម្រាប់​មនុស្ស​គឺ​សំខាន់​ណាស់​ បើ​សិន​ជា​អ្នក​ប្រើ​ពេល​នោះ​រង់​ចាំ​មនុស្ស​ម្នាក់​ដែល​មិន​អាច​នឹង​លេច​រូបរាង​មក​ វា​ពិត​ជា​អត់​ប្រយោជន៍​ណាស់ ដូច្នេះ​អ្នក​គួរ​តែ​ប្រើ​ពេល​នោះ​ឲ្យ​មាន​ប្រយោជន៍​បំផុត សម្រាប់​ធ្វើ​រឿង​អី​ដែល​ល្អ​ៗ​វិញ។ ៥. ប្រើ​ពាក្យ«សុំទោស​»​ ពេល​ដែល​អ្នក​សុំទោស​ខ្លួន​ឯង គឺ​ជា​ពេល​ដែល​អ្នក​ចុះ​ខ្សោយ​បំផុត​ អន់​បំផុត​ ដូច្នេះ​មិន​គួរ​តែងតែ​ប្រើ​ពាក្យ​នេះ​មក​ធ្វើ​ឲ្យ​ខ្លួន​ឯង​អន់ ខ្លួន​ឯង​ខ្ជិល​នោះ​ទេ គួរ​តែ​ប្រើ​ពាក្យ​ថា « មិន​អី​ទេ​យើង​នៅ​មាន​ថ្ងៃ​ស្អែក​បន្ត​ទៀត»។ […]

Continue Reading

អ្នកគួរតែបង្កើត​ផ្នត់គំនិតទាំងអស់នេះ បើសិនជាអ្នកចង់​សម្រេចបាន​អ្វីៗ​ដែល​អ្នក​ប្រាថ្នា

នៅពេលអ្នកសម្រេច​ចិត្ត​ទទួលយកការផ្លាស់ប្តូរក្នុងជីវិត ​វាជារឿងដែលគួរឱ្យខ្លាចរអា។​ ប៉ុន្តែមធ្យោបាយតែមួយ​គត់ដែលមនុស្សជោគជ័យ​ដោះស្រាយចំពោះរឿងភ័យខ្លាចគឺត្រូវតែប្រឈមមុខ​នឹងការភ័យខ្លាចនោះ រួចបោះ​ជំហានទៅមុខយ៉ាងអង់អាច​។ អ្នកអាចចាប់ផ្តើម​ជំហានទាំងនេះដោយ​ការផ្លាស់ប្តូរផ្នត់គំនិតមួយចំនួន​៖ ១/ ប្រើពេលដើម្បីកំណត់ទស្សនវិស័យនិងមហិច្ឆតារបស់អ្នក គ្មានទស្សនវិស័យណាមួយ​ដែលមិនមានការមើល​ឃើញនោះទេ។ ដូច្នេះហើយ​ អ្នកត្រូវតែបោះជំហាន​ចាកចេញពីបទពិសោធន៍​ធម្មតាទៅស្វែងរកបទពិសោធន៍​ជាច្រើនផ្សេងទៀតដើម្បី​ស្វែងយល់ឱ្យដឹងច្បាស់ថា​ខ្លួនឯងពិតជាមានមហិច្ឆតា​ចង់បានអ្វីខ្លះក្នុងឆាកជីវិត។ បន្ទាប់មក​​ត្រូវសួរខ្លួនឯងថាតើអ្វីដែលពិត​ជាសំខាន់សម្រាប់អ្នក។ ទស្សនវិស័យរបស់​អ្នកគឺជាអ្វីដែលឆ្លុះបញ្ជាំង​ខ្លួនអ្នកនិងបំណងប្រាថ្នា​របស់អ្នក ដូច្នេះវាត្រូវតែមាន​ភាពច្បាស់លាស់ ហើយអ្នកត្រូវ​តែស្មោះត្រង់ចំពោះ​ខ្លួនឯង។​   ២/ បន្តជំរុញទឹកចិត្តខ្លួនឯងកុំឈប់ ជាញឹកញាប់ណាស់ដែលអ្នក​ដឹងច្បាស់ថាអ្នកចង់បាន​អ្វីក្នុងឆាកជីវិតនេះ ​ប៉ុន្តែក្រោយពី​ប្រឡូកបាន​មួយរយៈពេលខ្លីមក អ្នកក៏​ចាប់ផ្តើមស្ទាក់ស្ទើរនិង​រវើរវាយទៅវិញ។ ចំណុចនេះច្រើន​តែកើតឡើងនៅពេលអ្នកជួប​ឧបសគ្គឬដើរដល់ផ្លូវ​ទាល់។ ពេលខ្លះអ្នកត្រូវតែហ៊ានបោះជំហាន​ចេញពីកន្លែងដែលអ្នក​ស្គាល់ច្បាស់ ហើយផ្សងព្រេង​ក្នុងបទពិសោធន៍ថ្មីៗ​ដើម្បីទៅឱ្យដល់គោលដៅជីវិត។   ៣/ បង្កើតផែនការណ៍ដើម្បីសម្រេចសុបិននិងកំណត់ពេលចាប់ផ្តើម តើអ្នកនឹងសម្រេចសុបិន​​ដោយ​របៀបណា? តើមានជំនាញអ្វីខ្លះ​​ដែលអ្នក​ត្រូវការ? តើមានចំណេះ​​ដឹងថ្មីអ្វីខ្លះ​ដែលអ្នកត្រូវដឹង​?​ មធ្យោបាយងាយបំផុតមួយ​​ដើម្បីបង្កើតផែនទីជីវិតគឺយក​គំរូតាម​ដំណើរជីវិតរបស់មនុស្ស​ដែល​បានជោគជ័យក្នុងការ​សម្រេច​សុបិនរបស់គេ។ ចេញទៅស្វែងរក​មនុស្សប្រភេទនេះ រួចសាកសួរគេ​​។ មធ្យោបាយមួយទៀត​ដើម្បីរៀន​ពីខ្សែជីវិត​បុគ្គលជោគជ័យ​គឺអានសៀវភៅ​ដែលគេសរសេរ ​ឬសៀវភៅ​ដែលសរសេរអំពី​ដំណើរ​ជីវិតរបស់គេ។ ៤/ បង្កើតវិន័យផ្ទាល់ខ្លួន ប្រសិនបើអ្នកចង់ចេះអ្វីមួយឱ្យច្បាស់​ អ្នកត្រូវតែខិតខំធ្វើឱ្យយកចិត្ត​ទុកដាក់និងត្រូវមានវិន័យ​។ ជំហានបង្កើតវិន័យគឺអ្នកត្រូវកំណត់​និងដើរតាមទម្លាប់ប្រចាំថ្ងៃ​​ដើម្បីទៅឱ្យដល់គោលដៅ និងត្រូវដឹងឱ្យ​ច្បាស់ថាអ្វីជាការរំខានដំណើររ​បស់អ្នក។ ទម្លាប់ដែលអ្នកកំពុងតែមាន​នៅពេលនេះ បានជួយតម្រង់ទិសដៅ​អ្នកឱ្យសម្រេចបានអ្វីៗទាំងអស់​ដែលអ្នកប្រាថ្នាចង់បានក្នុង​ពេលកន្លងមក។ ប្រសិនបើអ្នកចង់បាន​អ្វីថ្មីផ្សេងទៀត អ្នកត្រូវតែផ្លាស់ប្តូរ​ទម្លាប់របស់អ្នក។ ដូច្នេះតើទម្លាប់ថ្មីអ្វី​ខ្លះដែលអ្នកអាចបង្កើតដើម្បីសម្រេចសុបិនថ្មី?​   ៥/ សម្រេចចិត្តបោះជំហានតូចៗរាល់ថ្ងៃទៅរកសុបិនរបស់អ្នក តាមរយៈការបោះជំហានតូចៗ​បន្តិចម្តងៗមិនឈប់ឈរ​ អ្នកកំពុងតែបណ្តុះ​គ្រាប់ពូជនៃសមិទ្ធផលក្នុង​ជីវិត។ អ្នកចាប់ផ្តើមដឹងភាពរីកចម្រើនដែល​អ្នកបានព្យាយាមបង្កើត ហើយមិនយូរ​ប៉ុន្មានការដឹងរបស់អ្នក​នឹងរីកធំក្លាយទៅជាជំនឿ​ ហើយទីបំផុតក្លាយជាឥរិយាបថប្រចាំ​ជីវិត។ ប្រភព​៖  SUCCESS […]

Continue Reading

ងាយៗ ក្នុងការគ្រប់គ្រងដំណើរជីវិតទៅថ្ងៃអនាគត បើសិនជាអ្នកយល់ច្បាស់ពីចំណុចទាំងអស់នេះ

ហេតុអ្វីចាំបាច់​ត្រូវកំណត់គោល​ដៅជីវិត? ការកំណត់គោលដៅ​ជីវិត​ជួយយើងឱ្យ​ផ្តោតចិត្ត​ សម្រួចក្តីស្រមៃ និងផ្តល់ឱ្យ​យើង​នូវលទ្ធភាពដើម្បី​​សំលៀង​សកម្មភាព​ដែលយើងត្រូវការ​​ដើម្បីសម្រេចបានអ្វីៗ​ដែលយើងប្រាថ្នាចង់​បានក្នុងជីវិតនេះ។ ជាងនេះទៅទៀត ​គោលដៅជីវិតជារឿង​សំខាន់ព្រោះវាជំរុញ​ឱ្យយើង​ពង្រីក​សមត្ថភាព​និង​​អភិវឌ្ឍខ្លួន​រហូតដល់កម្រិត​មួយដែលមិននឹកស្មាន​ដល់ក្នុង​ពេលកន្លងមក​។ ដើម្បីសម្រេចបាន​គោលដៅក្នុងជីវិត យើង​ត្រូវតែអភិវឌ្ឍ​ខ្លួន ផ្លាស់ប្តូរ​ និងរីកចម្រើន។ មូលដ្ឋានដើម្បី​ដឹងថា តើយើងចង់​ទៅណា ស្ថិតនៅត្រង់ការដឹងថា​តើយើងមក​ពីណា និងកំពុងតែ​នៅកន្លែងណា។ បន្ថែម​ពីលើនេះ យើងគួរតែដឹងថា​កន្លងមក​យើងបាន​សម្រេចគោលដៅអ្វីខ្លះ​។ នេះជាខ្លឹមសារ​​នៃការវាយ​តម្លៃ​និងការ​ពិចារណា។ ដំណើរនៃ​ការវាយតម្លៃ​គួរតែ​មានលក្ខណៈសាមញ្ញ តែចំណុច​សំខាន់គឺត្រូវមានមូលដ្ឋាន​ដូចខាង​ក្រោមនេះ​៖   ១/ ស្វែងរកកន្លែងស្ងប់ស្ងាត់ ការពិចារណាអាចធ្វើទៅ​បានល្អបំផុតនៅពេលគ្មាន​ការរំខាន ព្រោះភាពស្ងប់ស្ងាត់​ធ្វើឱ្យចិត្តរបស់យើង​មានភាពទូលំទូលាយ​ដើម្បីគិត។   ២/ ប្រើពេលពិចារណាឱ្យបានទៀងទាត់ ទោះជាអ្នកមាន​ទម្លាប់ពិចារណាម្តង​ក្នុងមួយសប្តាហ៍​ ឬម្តងក្នុងមួយ​ខែក៏ដោយ អ្នកត្រូវតែ​កំណត់ពេល​ធ្វើឱ្យបាន​ទៀងទាត់ ដោយមិន​ត្រូវមានហេតុផល​អ្វីមករំខាន​ឡើយ។   ៣/ សំឡឹងមើលអ្វីដែលអ្នកសម្រេចបាននិងទីតាំងរបស់អ្នក អ្នកត្រូវតែនឹក​រកសមិទ្ធផល​ ឬសម្មភាពជាក់លាក់​ដែលអ្នកធ្វើ​បានសម្រេច ហើយត្រូវតែ​មានភាពស្មោះត្រង់​បំផុត និងហ៊ាន​ទទួលស្គាល់​ការពិតបំផុតចំពោះ​ខ្លួនឯង​។   ៤/ កត់ត្រាទុកអ្វីៗដែលអ្នកបានធ្វើ អ្នកគួរតែមាន​ទម្លាប់រក្សាកំណត់ត្រា​ផ្ទាល់ខ្លួន។ ទម្លាប់បែប​នេះ​ជួយអ្នកបាន​ច្រើន​ក្នុងដំណាក់​កាលបន្ទាប់នៃការ​វាយតម្លៃ និងជាកញ្ចក់អាច​ឆ្លុះបញ្ចាំង​យ៉ាងច្បាស់​ឱ្យឃើញ​នូវទីតាំងដែល​អ្នកបានបោះ​ជំហានចេញ និងទីតាំង​ដែលអ្នកកំពុង​តែស្ថិតនៅ។ ចំណុច​ដែលសំខាន់​​បំផុតគឺត្រូវស្មោះ​ត្រង់ចំពោះ​ខ្លួនឯង។   ៥/ សំឡឹងមើលទៅមុខជានិច្ចនិងកំណត់គោលដៅបន្ទាប់ អ្នកត្រូវតែពង្រីក​សមត្ថភាពឱ្យស្រប​តាមអ្វីដែល​អ្នកអាច​ធ្វើបាន និងប្រើប្រាស់​វិធីសាស្រ្តណា​ដែលអនុវត្ត​បានផ្លែផ្កា​សម្រាប់អ្នក។ អ្នកត្រូវប្រាកដ​ក្នុងចិត្តថា​អ្នកបាន​ដើរតាមជំហាន​ទាំងអស់ខាង​លើនេះ និងបានកំណត់​ពេលវេលាជាក់លាក់​សម្រាប់វាយតម្លៃខ្លួន​ឯងនិងពិចារណា។   សរុបមកវិញ […]

Continue Reading

អាចទេ ! ចំនាយពេល ៥ នាទីអានអត្តបទនេះ បើសិនជាអ្នកចង់ទទួលបានគំនិត ដើម្បីសម្រេចក្ដីសុបិនរបស់អ្នក

មាន​មនុស្សមិន​ច្រើន​ទេដែល​សម្រេច​បានជីវិតដូច​ក្នុង​​ក្តីសុបិន។ មនុស្ស​ភាគច្រើន​បរាជ័យ​ដោយសារ​គេមិន​បាន​បង្កើត​រូបភាព​​ឱ្យច្បាស់​និងប្រាកដ​ថា​គេពិតជា​ចង់​ក្លាយទៅ​ជាអ្វី និងចង់​ធ្វើ​អ្វី​ឱ្យជាក់​។ បើគ្មានការកំណត់​ច្បាស់លាស់​ទេ មនុស្ស​យើង​​នឹងអណ្តែត​ដោយគ្មាន​គោលដៅ និងរស់នៅ​តាមរបៀបដែល​សង្គមរៀបចំឱ្យ​ជាជាងរស់នៅ​តាមរបៀប​ដែល​យើងចង់បាន។ ដើម្បីចាប់​ផ្តើមរស់​នៅ​ដោយមាន​គោលដៅ​យើងត្រូវ​៖     ១/ បង្កើតរូបភាពអនាគតរបស់អ្នក មនុស្សគ្រប់​​គ្នា​ដែលសម្រេច​បានក្តីស្រមៃ​ក្នុងលោក​នេះ​សុទ្ធ​តែបានចាប់​ផ្តើមឡើង​ដោយ​ទស្សនវិស័យ។ អ្នកត្រូវ​បង្កើតរូបភាព​​ដែលខ្លួនឯង​ចង់បាន មិនមែន​រូបភាពដូច​រាល់ថ្ងៃនេះ​ទេ។ គិតថាតើអ្នក​ចង់ក្លាយទៅ​ជានរណា​ម្នាក់ ចង់​ធ្វើអ្វី ឬចង់​បានអ្វី។ បន្ទាប់មក​​ត្រូវនឹកស្រមៃថា អ្វីៗដែលអ្នកចង់​បាននោះមានរូបរាង​ដូចម្តេច សំឡេង​ ក្លិន និងរស​ជាតិ​ដូចម្តេច។ ធ្វើយ៉ាងណា​បង្កើតរូបភាព​ដែលអ្នកចង់បាន​ឱ្យរស់រវើក​ដូចការពិត។   ២/ ផ្តោតលើសក្តានុពលរបស់អ្នក អ្វីៗក៏​ដោយ​ដែលអ្នកផ្តោត​ចិត្តលើនឹងរីក​ធំឡើង។ ដូច្នេះ​ហើយ អ្នកត្រូវ​​ផ្តោតចិត្ត​តែលើ​សក្តានុពល​របស់អ្នក និងចំណុច​ល្អៗក្នុងជីវិត ដោយព្រងើយ​កន្តើយចំពោះ​បញ្ហា​និងបទពិសោធន៍​អវិជ្ជមានដែល​ធ្លាប់ឆ្លងកាត់។ ការឃើញ​ដដែលៗធ្វើ​ឱ្យចិត្តរបស់អ្នក​ជឿជាក់ ដូច្នេះ​ពេលនេះ​អ្នកមើលឃើញអនាគត​របស់អ្នកហើយ អ្នកក៏​អាច​ជឿជាក់លើអនាគត​របស់អ្នកបាន​​ដែរ។ រូបភាពអនាគត​នោះ​នឹងក្លាយ​ជាចំណុចផ្តោត​ថ្មី ជាគោលដៅ​របស់អ្នក និងជា​ទិសដៅដែល​អ្នកត្រូវ​ទៅឱ្យ​ដល់ដែរ​។   ៣/ ចាប់គោលដៅឱ្យជាប់ ភ្នែករបស់អ្នក​ត្រូវសំឡឹងមើល​តែគោលដៅបាន​ហើយ។ មិនត្រូវ​បណ្តោយ​ឱ្យ​បរិស្ថាន ជំនឿ​របស់មនុស្ស​ដទៃ ឬដែន​កំណត់នៃ​ជោគជ័យ​អតីតកាលមក​គ្របដណ្តប់លើ​​ការសម្រេចចិត្ត​របស់អ្នកឱ្យសោះ​។​ បើទោះជា​នៅក្នុងពេល​សង្ស័យ ឬកំពុងតែជួប​នឹងអ្វីដែលខុស​ការរំពឹងទុកក៏​ដោយ អ្នកត្រូវ​តែ​រក្សា​រូបភាព​អនាគត​ក្នុងចិត្ត​ជានិច្ច។ មិនត្រូវ​បោះបង់ចោល​ក្តីស្រមៃឡើយ​ ទោះជាជួបការ​លំបាក ឬឧបសគ្គ​អ្វីក៏ដោយ។   ៤/ ដើរតាមទិសដៅនៃទស្សនវិស័យរបស់អ្នក ពេលនេះអ្នក​ដឹងថាខ្លួនឯង​កំពុងតែទៅ​ណាហើយ និងយល់ច្បាស់​ថាខ្លួនឯងកំពុង​តែចង់ក្លាយ​ជា​អ្វីហើយដែរ […]

Continue Reading

គន្លឹះមួយចំនួន ក្នុងការរៀបផែនការណ៍ជីវិត ដើម្បីកសាងអនាគតដ៏ត្រចះត្រចង់

អ្នកគួរតែផ្តោតលើ​ការ​ពង្រឹង​ចំណុចខ្លាំង​ ធ្វើអ្វីៗដើម្បី​នាំជីវិតអ្នកឆ្ពោះទៅរក​គោលដៅល្អបំផុតដែលអ្នកប្រាថ្នាចង់​បាន​។ គន្លឹះមួយចំនួន​ខាងក្រោមនេះ​អាចជួយអ្នកសម្រេចបំណងបាន៖ ១/ រស់នៅប្រកបដោយភាពក្លាហាន ការភ័យខ្លាចជា​រឿងធម្មតា​និងជា​ផ្នែកមួយ​នៃ​ការរីកចម្រើន។ អ្នកត្រូវហ៊ានជ្រើសរើស​ភាពមិនច្បាស់លាស់​តាមរយៈការរំលឹកខ្លួន​ឯងថា​អ្នកនឹងបាត់​បង់​អ្វីខ្លះ​នៅពេលចុះចាញ់​អារម្មណ៍ភ័យខ្លាច។   ២/ បង្កើតសុភមង្គលសម្រាប់ខ្លួនឯង សរសេរ​គោលដៅសុភមង្គលធំៗបំផុតរបស់​អ្នក​ទាំង៥។ តែត្រូវសរសេរ​ឱ្យច្បាស់ៗនិង​ចំៗ ឧទាហរណ៍​ថា​ប្រសិនបើ​អ្នក​ចង់​បាន​ទំនាក់​ទំនងច្រើន​ដែលមានប្រយោជន៍ អ្នក​ត្រូវតែ​សរសេរជំហាន​លម្អិតទាំងអស់​ដើម្បីបានទំនាក់ទំនងបែបនោះ។   ៣/ កែប្រែផ្នត់គំនិតរបស់អ្នក រាល់ពេលដែល​អ្នកជួបបញ្ហា អ្នកត្រូវតែ​នឹករកមធ្យោបាយ​វិជ្ជមាន​ឱ្យបានច្រើនតាមតែអាចនឹកឃើញ។ ហើយអ្នក​ត្រូវតែផ្តោតលើ​គំនិតវិជ្ជមានទាំងនោះ រួចចាំមើល​ការរីកចម្រើននៃសុភមង្គលរបស់អ្នក។   ៤/ ស្វែងរកចំណុចខ្សោយខ្លួនឯង ពេលអ្នកនៅស្ងាត់តែឯង អ្នកគួរតែព្យាយាមនឹកគិតរកមើលចំណុចបំផុតក្នុងជីវិតអ្នក​ឱ្យបាន៣។ រួចជ្រើសរើសចំណុចខ្សោយបំផុតមួយដែលរារាំងអ្នកមិនឱ្យជោគជ័យក្នុងេះជីវិត និងបង្កើតផែនការណ៍អភិវឌ្ឍខ្លួនឯងបន្តិចម្តងៗ។ តែត្រូវចាំថា​ការផ្លាស់ប្តូរ​មិនអាច​កើតឡើង​ភ្លាមៗបានទេ អ្នកត្រូវតែអត់ធ្មត់និងព្យាយាម។   ៥/ ពិចារណាបទពិសោធន៍ដែលឆ្លងកាត់ នៅក្នុងសប្តាហ៍នេះ អ្នកគួរតែ​រកពេលមួយទៅទស្សនាកន្លែងធម្មជាតិ ដោយទុក​បច្ចេកវិទ្យាទាំងអស់នៅផ្ទះ។ ក្នុងឱកាសនៅស្ងប់ស្ងាត់​ជាមួយនិងធម្មជាតិនោះ អ្នក​គួរតែពិចារណាដល់​ជីវិត​រស់នៅដែល​មិនមានការរំខានពីសង្គម។   ៦/ ស្វែងរក​ចំណុចខ្លាំង​របស់​ខ្លួនឯង អ្នកត្រូវវិភាគរកជោគជ័យអស្ចារ្យបំផុតរបស់ខ្លួនឯង។ កំណត់ឱ្យឃើញនូវអ្វី​ដែល​អ្នក​បានធ្វើ​ដើម្បី​សម្រេច​គោលដៅ និងបែងចែក​ឱ្យដាច់​នូវរបៀបដែល​ធ្វើបានធ្វើតែមិនបានជោគជ័យ។ ពេលកំណត់ឃើញចំណុចខ្លាំងរបស់ខ្លួនឯងហើយ អ្នកត្រូវ​ប្តេជ្ញាចិត្តអភិវឌ្ឍជំនាញនោះបន្ថែមទៀត។   ៧/ ជ្រើសរើសប្រកបដោយភាពវៃឆ្លាត តើអ្នកកំពុងតែពិបាក​សម្រេចចិត្តឱ្យល្អមែនទេ? ដើម្បីសម្រេចចិត្ត​បានល្អ​ អ្នកត្រូវប្រមូល​ការពិតទាំងអស់ ហើយជួបនិយាយគ្នា​ជាមួយនឹង​មនុស្សដែល​អ្នកជឿទុកចិត្ត​បំផុតដើម្បី​សួរយោបល់​គេមុននឹងសម្រេចចិត្ត។   ៨/ […]

Continue Reading