ប្រសិនបើចង់ក្លាយជាអ្នកមាន ត្រូវបញ្ឈប់ទង្វើទាំង១០នេះភ្លាម!!!

ចែករំលែក

អាថ៏កំបាំងនៅក្នុងការធ្វើជាសេដ្ឋីគឺគ្មានទៀតទេក្នុងពេលនេះ អ្វីដែលសំខាន់ថាតើអ្នកមានចិត្ត និងការតាំងចិត្តខ្ពស់តស៊ូធ្វើវាបានរឺក៏អត់តែប៉ុណ្ណោះ។ ប៉ុន្តែនៅតែមានមនុស្សមួយចំនួនមានការគិតខុស និងនៅតែបន្តគិតខុសទៅលើសកម្មភាពរសនៅប្រចាំថ្ងៃរបស់ខ្លួនដែលមិនអាចអោយខ្លួនក្លាយជាអ្នកមានបាន។ ដូច្នេះខាងក្រោមនេះគឺជាការរៀបរាប់ពីសកម្មភាពទាំង១០ដែលអ្នកគួរតែបញ្ឈប់ធ្វើភ្លាមប្រសិនបើអ្នកចង់ក្លាយជាអ្នកមាននោះ។

1. មិនចង់ស្គាល់មនុស្សថ្មីៗ

៦៨%នៃអ្នកមានគេចូលចិត្តស្គាល់មនុស្សថ្មីៗណាស់ ប៉ុន្តែមានអ្នកក្រតែ១១%ប៉ុណ្ណោះដែលគិតដូច្នេះដែរ។ ការដែលជួបមនុស្សថ្មីនេះ នឹងនាំអោយពួកគេបានចំណេះដឹងថ្មី បទពិសោធន៏ថ្មី និងឪកាសថ្មីចូលមក។

2. ជឿលើព្រេងវាសនា

បើអ្នកចង់ក្លាយជាអ្នកមាន អ្នកត្រូវជឿលើវិទ្យាសាស្ត្រ អ្វីៗកើតឡើងដោយសារហេតុនិងផល គេមានលុយច្រើនដោយសារគេខំរកខ្លាំង មិនមែនលុយហោះមកពីលើមេឃនោះទេ ប៉ុន្តែក៏មានករណីកំរខ្លះយើងអាចជឿលើព្រេងវាសនាដែរ តែអ្នកត្រូវជឿលើខ្លួនឯង និងការខិតខំរបស់ខ្លួនឯងជាមុនសិន។

3. ស្អប់ការងាររបស់អ្នក

អ្នកមាន៨៥%បាននិយាយថា ពួកគេពេញចិត្តចូលចិត្តនូវអ្វីដែលគេកំពុងធ្វើបច្ចុប្បន្ន ប៉ុន្តែអ្នកក្រតែងតែមើលឃើញចំណុចអាក្រក់ការងាររបស់ខ្លួនមិនចេះអស់។ សួរខ្លួនឯងវិញថា ប្រសិនបើអ្នកមិនពេញចិត្តនូវអ្វីដែលអ្នកធ្វើផង តើអ្នកមានទឹកចិត្តឯណាក្នុងការខំប្រឹងធ្វើវាអោយល្អជាងនេះនោះ។

4. អត់ចេះថែសុខភាព

អ្នកមានគេអោយតំលៃលើសុខភាពផ្ទាល់ខ្លួនគេខ្លាំងណាស់ គេមិនដែលញាំអីផ្តេសផ្តាស់នោះទេ ហើយក៏គេមិនខ្ជិលក្នុងការធ្វើលំហាត់ប្រាណផងដែរ។

5. អត់ហ៊ានប្រថុយ

មានអ្នកក្រតែ៦%ប៉ុណ្ណោះដែលហ៊ានប្រថុយធ្វើអ្វីដែលពួកគេចូលចិត្តដើម្បីបង្កើនចំណូល ប៉ុន្តែអ្នកមានលើសពី៥០%គឺពួកគេមានភាពក្លាហានហ៊ានប្រថុយដោយភាពឆ្លាតវៃនៅក្នុងការដាក់ទុនធ្វើអ្វីមួយ។ ពួកអ្នកមានតែងគិតថា ប្រសិនបើពួកគេបរាជ័យពួកគេនឹងទទួលបានមកវិញនូវគ្រាប់ពូជបទពិសោធន៏មួយសម្រាប់ទុនក្នុងការរកស៊ីទៅថ្ងៃមុខទៀត។

6. មើលទូរទស្សន៏ច្រើនពេក

អ្នកក្រ៧៨%ភាគរយ ចូលចិត្តមើលទូរទស្សន៏កម្មវិធីកំសាន្ត រឺកម្មវិធីនិយាយពីជីវិតឯកជនតារា ប៉ុន្តែអ្នកមានគេមិនចូលចិត្តចំណាយពេលវេលាទៅមើលរឿងអត់ប្រយោជន៏ចឹងនោះទេ ពួកគេចូលចិត្តនៅលើបណ្តាញអ៊ីនធឺណេតស្រាវជ្រាវ រឺមើលភាពយន្តឯកសារជំនួសវិញ។

7. អត់ចេះអានសៀវភៅ

ប្រសិនបើអ្នកមិនអាច ចឹងអ្នកគ្មានវិធីដើម្បីទទួលយកចំណេះដឹងថ្មីៗនោះទេ ដូច្នេះអ្នកមានតែងតែទាងសៀវភៅយ៉ាងហោចណាស់ ៣០នាទីក្នុងមួយថ្ងៃ។

8. ក្រោកស្ពឹក

តាមការស្រាវជ្រាវមួយបានបង្ហាញអោយឃើញថា អ្នកមានរកស៊ីធំៗ តែងតែក្រោកមុន៣ម៉ោងមុនពេលធ្វើការរបស់ពួកគេ។ ពួកគេចំណាយពេលវេលាទាំងនោះដើម្បីរៀបចំគម្រោងថ្ងៃថ្មីរបស់ពួកគេអោយរួចជាស្រេច មិនដូចអ្នកក្រទេ ក្រោកឡើងមកមិនដឹងថាត្រូវធ្វើស្អីគេមុននោះទេ។

9. ទាក់ទងជាមួយមនុស្សយាយដើមគេ

អ្នកមានគេចូលចិត្តទាក់ទងជាមួយមនុស្សដែលមានសុទិដ្ឋិនិយម គឺគិតអ្វីៗក្នុងផ្លូវល្អរហូត មិនមែនដូចអ្នកក្រដែលចូលចិត្តសេពគប់មនុស្សដែលចូលចិត្តតែរិះគន់គេ និងទើសរឿងគ្រប់យ៉ាងនោះទេ។

10. ចាយច្រើន

អ្នកក្រភាគច្រើន ចាយច្រើនជាងចំណូលរបស់ពួកគេ។ អ្នកក្រមួយចំនួនចង់ទិញឡានថ្លៃ ទូរស័ព្ទថ្លៃ ទាំងខ្លួនឯងមានលុយមិនគ្រប់ រឺមិនត្រូវការវាចាំបាច់ផងនោះ។ ប៉ុន្តែចំពោះអ្នកមានវិញ មុននឹងគេទិញអ្វីមួយគេសិក្សាពីវត្ថុនោះ ថាតើគេពិតជាត្រូវការវាមែនរឺក៏អត់។

សូមចែករំលែកអោយគ្រប់គ្នាបានឃើញផង! សូមអរគុណ!

ដោយ៖ ពិសិដ្ឋ

ប្រភព៖ BRIGHTSIDE.ME​

Leave a Reply

Your email address will not be published. Required fields are marked *